أكل وشرب
كاتب رئيسي٢٣ أكتوبر ٢٠١٩
This article is also available in   Switch Language

٥ مطاعم لازم تجربوها في القاهرة

علشان تستمتع بوجبة على مزاجك، جرب المطاعم دي.


١. Tuti Matti



الفطار الإيطالي مستنيك في توتي ماتي، مواعيد الفطار هناك من 9 الصبح لواحدة مساءً، أصل التغيير مطلوب بردو فمرة تفطر إيطالي بقى وكمان في شارع 9 في المعادي اللي هتلاقي العصافير بتحتفل بمجيئك طول ما أنت قاعد، لأن المكان فيه بلكون لطيف.


٢. بوتشرز



بوتشرز برجر له 8 فروع في القاهرة موزعة بين الزمالك والشيخ زايد والعجوزة والقاهرة الجديدة. أفضل سندوتش عندهم اسمه بوتشرز جوسي جوسي وده عبارة عن حتتين برجر مع جبنة شيدر حمرا سايحة وشيلي كورن كارني (لحم مفروم معصج بطريقة مكسيكي) ومخلل وخس ومايونيز. وكمان عندهم ستيك وفراخ وأصناف للفطار ومنيو أطفال ومشروبات.



٣. 900 Degrees



في داون تاون مول في التجمع الخامس عندنا 900 Degrees وهما بيعملوا باستا وبيتزا، وكل أنواع البيتزا عندهم فيها جبنة بارميزان وموتزاريللا، زي بيانكا ودي لحمة وطماطم شيري وصوص طماطم، وبيتزا جندوفلي وفيها جندوفلي وكريمة بقدونس وشطة وثوم، وبيتزا الفراخ بيكون فيها صدور فراخ مشوية وزيتون وصوص طماطم.




٤. وان أوك One Oak



وان أوك عمل المكس الصعب وهو الاستيك والسوشي تحت سقف واحد، وله فرعين واحد في الشيخ زايد والتاني في التجمع الخامس. وهتلاقي عنده لحوم بلدي بقري أو مستورد، وفي فئة البلدي المشوي ممكن تطلب تندرلوين فيليه أو تي بون أو بورتر هاوس، وبيجي معاها طبق جانبي وصوص أو زبدة. وفي الأنجوس المستورد هتلاقي أصناف مميزة زي الريب آي والستريبلوين، والمميز عنده هو قطع اللحم على السيخ زي الكواترو ستيك سكيوار وده فيه 3 أنواع لحوم: بيف تندرليون، وريب آي ستربلوين، وبيف ردف.



٥. كابر صبحي



طبعًا فخامة الاسم تكفي، لو متعرفهوش؛ فده أكبر وأشهر مطعم كباب وكفته ومشويات في القاهرة، الناس بتجيليه بالاسم من كل مكان في العالم، هتلاقى عليه جنسيات مختلفة مصريين على خلايجة على أجانب، لو لسه مجربتهوش فالسيط ده مش من فراغ، روح روض الفرج في شبرا واسأل عليه ألف مين يدلك.


مقالات ذات صلة