ليستات
أحمد لطيف١٩ أبريل ٢٠٢١
This article is also available in   Switch Language

١٠ جمل في قاموس أى أم مصرية

لازم نتفق أن فيه جمل بتتقال في أى بيت مصرى من أى أم مصرية أصيلة كأنه قاموس هما اللي كتبوا كلامه، واتحجز على اسمهم بس، وهنقولك ١٠ جمل في قاموس أى أم مصرية أكيد اتقلولك.

١. ولو جيت وجبتهالك

لما تبقى بتدور على حاجة ومش لاقيها، فتسأل أمك عليها لأنك فكرها ضاعت، فتأتي جملتها الشهيرة “ولو جيت وجبتهالك”، وسبحان الله بتجبها يا مؤمن.

٢. عوض عليا عوض الصابرين يا رب

وديه لما أمك تشوفك فجأة وانت في لحظة من التفاهة والهبل أى ابن من حقه يعيشها، فتقوم بصالك بصة معروفة وتقولك “عوض عليا عوض الصابرين يا رب”.

٣. نفسي أفرح بيك بقى

بتقولها لبنتها وهى لسه في الحضانة، وتفضل تزن عليها لحد أما تجوزها، و بتتقال لإبنها اللي مقضيها وسنه عدى التلاتين من غير جواز وهو أساسًا مش بيفكر في الموضوع.

٤. هو انت متردش غير لما اقول يا زفت

وديه جملة مشورة جدًا وبتتقال في حالة بتكون فيها مصدر الطرشة او مش واخد بالك او حتى مش سمعها، هتلاقيها بعد ما بتنديك بكل الاسماء اللي في الدنيا بتقولك يا زفت، وسبحان الله بتسمع الكلمة ديه دون عن باقى الكلام، وهنا بتقابلك بجملتها الشهيرة ” هو انت متردش غير لما اقول يا زفت”.

٥. سيب الزفت اللي في إيدك وقوم ذاكر

انت هتسمعها حتى لو في الإجازة، لازم تسيب الزفت اللي في ايدك موبيل او لاب او اى شيء ملوش علاقة بالمذاكرة، وهنا نلاحظ أن كلمة زفت كلمة أساسية في قاموس الأم المصرية وهى متعددة الاستخدامات والمعاني حسب سياق الموقف الزفت اللي اتحطيت فيه.

٦. هاسيب لكم البيت وأطفش

وهذه اللحظة تأتي عندما تشتبك مع أى فرد في البيت وهى مش عارفة تحل الموضوع وتكون جابت أخرها منكم وسعتها بتقول “هاسيب لكم البيت وأطفش” وفي الأخر بتنزل تقعد مع أم حمادة جرتكم.

٧. هو انا الخدامة اللي جبهلكم أبوكم

لما الطلبات تكتر وتتقال في وقت واحد، الأم المصرية بتضطر تخرج السلاح اللي هيضرب كل هذا الضغط في لحظة، وتقوم قايلة بمنتهى الضعف والقوة اللي في الدنيا وتزعق “هو انا الخدامة اللي جبهالكم أبوكم”.

٨. أفرد ضهرك وانت قاعد

من ألطف الجمل اللي ممكن تسمعها واللي هتتكر بشكل يومي كل ما تقعد قدامها سواء قاعد على السرير او المكتب او اى كرسي، لازم تقولك أفرد ضهرك وانت قاعد هتأتب.

٩. خد الزبالة وانت نازل

هو مطلب أساسي ورئيسي منك انك تاخد الزبالة وانت نازل حتى لو رايح انترفيو مهم، مينفعش تنزل غير وفي إيدك الزبالة.

١٠. أبوك عندك أهو اتصرف معاه

عندما تطلب شيء هى مش راضية عنه، واستخدمت كل محاولاتها إنها تثنيك عنه، فترميك لأبوك اللي غالبًا بيوافق على اللي انت عايزه على طول عشان مش ناقصة وجع دماغ.

مقالات ذات صلة