ليستات
مها محمد٠٩ مارس ٢٠٢١
This article is also available in   Switch Language

10 حلويات محفورة في ذاكرة جيل التسعينات في مصر

كل فترة بنعدي عليها في حياتنا هنلاقي حاجات بتعلق معانا كده وبتفضل في الذاكرة شويه..واللي ناس دلوقتي بتقول عليها ترند. بس جيل التسعينات بقي تحسهم كده ملوك في نفسهم، عندهم ذكريات وحاجات كتير كده حلوة يقدروا يفتكروها.. مش بس في عالم الحلويات اللي هنتكلم عنه النهارده… لا كمان في عالم الألعاب والهدوم والأعلانات..وغيرها

يلا بينا ندخل علي عالم الحلويات ونشوف جيل التسعينات معانا هيفتكروا الحاجات دي ولا لأ..

١. الجيلي كولا

وهو كيس صغير بس مليان جيلي طري بطعم وشكل الكولا وبتدوب في البوء كده.. بس طبعا أتغييرت كتير دلوقتي في طعمها عن زمان..

٢. الكاراتيه

٣. صعيدي والدلع ديدي

٤. هم يم

٥. جوليو

٦. ليز

٧. قلبظ

كل دي أنواع من الشبسيات أو الكاراتيه زي ما كنا بنسميه وقت التسعينات..في حاجات منها علي فكرة لسه موجودة دلوقتي بس مبقتش بنفس منافسة الحاجات التانية الموجودة دلوقتي في السوق..

أحلي حاجة في الحلويات دي هي وجود الالعاب جواها..بتخليك تشتري تاني عشان تجمع شكل معين أو تكون فريق معين أو أي لعبة مختلفة عن الكيس اللي قبله..

٨. عصير بست:

وقتها كان في ناس مكنتش بتعرف تنطقه أسمه وكانت بتفتكر أنه أسمه بسنت.. الحاجة كمان اللي جيل التسعينات ميقدروش ينسوها في العصير ده، هو الشفاطة العجيبة اللي 90% من الأطفال في الوقت ده مكنوش بيعرفوا يفتحوا العصير بسبب الشفاطة الغريبة دي..

٩. الشمعدان:

شركة البسكويت والويفر العملاقة واللي كان في وقت أتشهرت كمان بصناعة بالشاي أكتر من صناعة البسكويت.. بس لو هنتكلم عن البسكويت مش هنقدر ننسي كتاكيتو والشمعدان الأحمر والأصفر والأخضر وغيرها من الأنواع المختلفة للبسكويت واللي لسه موجودة لحد دلوقتي في السوق وبتناقس منتجات كتير بتحاول تقلدها..

١٠. لوليتا:

ودي حاجة عظيمة كده بتظهر تقريبا في الصيف بس.. حاجة كده طويلة وساقعة وبتدوب في البوء.. كمان هتلاقي منها نكهات مختلفة زي الفراولة والمانجو..حاجة كده بتطري عليك في أيام الحر

مقالات ذات صلة