حاجات بتسمعها في اي غداء عائلي بمصر

١. الأكلة مش أكلتك

بعد ما يحطوا نص طن أكل في طبقك و متبقاش قادر تاكل حاجه.

٢. نتيجتك طلعت ولا لسة

أنت ممكن تكون لسة بتمتحن او مخلص جامعه وبتشتغل

٣. مش ناوي تشتغل بقي ولا ايه

٤. جايبلك عروسة/جيبالك عريس

الشخص ال في العيلة ال بيبقي شغال مأذون تقريبا و يا بخت من وفق رأسين في الحلال.

٥. نورتوا يا جماعه

الجملة ال بتتقال مليون مرة لما الناس كلها تسكت و ميبقاش في حاجة تانية تتقال.

٦. مادام مخلصتش طبقك يبقي اكلي معجبكش

و دي غالبا بتبقي جدتك ال مليتلك طبقك عشر مرات و كل اما تيجي تاخد نفسك تخبطك الجملة دي.

٧. نسيت أسخن عيش ممكن تروح تجيبه

اي سفرة عائلية لازم كل مرة حد ينسي يسخن العيش.

٨. سفرة هنيه/دايمة يا جماعه

دايما بتلاقي اي حد يخلص اكله و قايم يقول الجملة الشهيرة دي

٩. روح هات مايه

زي العيش بالظبط الماية من الحاجات ال بتتنسي و محدش بيفتكر يطلبها منك الا و انت في نص الاكل او لسه حاطط ايدك فيه حالا

١٠. حد يعملنا شاي/قهوة بقي

الجملة ال اول ما بنسمعها بعد الاكل كلنا بنقوم نستخبي.