ليستات
مها محمد٢٦ يوليو ٢٠٢٠
This article is also available in   Switch Language

٧ حاجات هتسمعها من قرايبك قبل نتيجة الثانوية العامة

في أوقات كده هتلاقي كل الناس اللي حواليك بتحب تفتي وتهريك نصايح وهما أصلا ممكن يكونوا معملوش بيها قبلك..

هتلاقي المواقف دي بتتكرر في أوقات معينة من حياتك..خصوصا وأنت داخل علي مرحلة أو منعطف جديد في حياتك..

سواء ممارسة لعبة جديدة، دخول مدرسة ، جامعة ، أو حتي جواز..

وكلامنا النهارده هيكون عن قرايبك وكلامهم ليك ونصايحهم من قبل حتي النتيجة ما تطلع..

١. هو أنت علمي ولا أدبي؟

يعني بقالي 3 سنين بذاكر وأكلمكم عن أحلامي وطموحاتي وفي الأخر تسألوني السؤال التافه ده!!

٢. خلاص بقي اللي ذاكر ذاكر:

تصدقوا أنا غلطان أني بحكي ليكم عن قلقي وخوفي من النتيجة

٣. وأنت عايز تخش كلية ايه بقي؟

تحسه سؤال فيه شئ من التريقة متفهمش ليه!

سؤال لولبي كده وغير مباشر..عامل زي ” نفسك تبقي ايه لما تكبر؟”

٤. بعد كل اللي أهلك صرفوه عليك، عايز تدخل الكلية دي!!

طب شوف أبن خالتك عمل ايه وأعمل زيه!

عادة بتسمع الجمل دي لو انت شاطر أوي بس مش عايز كليات “القمة” وبتدور علي كلية توصلك لحلمك وشغفك في حاجة بتحبها مثلا..

وتكون الكلية أقل من مجموعك كتير..بس أنت بتحبها

ومع العلم ان ممكن ميكونش عندك ابن خالة اصلا..بس هي تلاكيك وخلاص..

٥. اللي قبلك عملوا ايه بالشهادة؟

الجملة دي بنسبة 70% هتسمعها من الناس الفشلة اللي بيكرهوا التعليم أو مكلملوش تعليمهم أو شايفين أن الصنعة أهم كتير من الشهادة..

ممكن يكون عندهم حق..

بس لازم نسيب له / لها فرصة علي الأقل يجربوا ويحاولوا بنفسهم وبلاش تحبطهم في الطريق اللي حتي لسه ما بدأهوش..

٦. بكره هترتاح لما تدخل الكلية!

من أكتر الجمل اللي هتسمعها في فترة بعد النتيجة والتنسيق وكده..

خلاص هترتاح..أنت تعبت في ثانوية عامة فهترتاح في الكلية!!

وكأن في الكلية خلاص مفيش مذاكرة..مفيش مواد وكتب وكورسات وورق تلخيص..وأني هنجح بدعاء الوالدين

٧. الثانوية العامة دي كدبة كبيرة..كلها ظلم

عادة هتسمع الجملة دي من واحد جرب قبلك وأتظلم لما دخل كلية مبيحبهاش وضيع أربع سنين من عمره في حاجة من أختراع التنسيق

اللذيذ ومجموع درجاته!!

في كلام أكيد أكتر من كده…

بس الملخص، المهم أنت عايز ايه، لأنك هتسمع من ناس كتير..فيها اللي هيحبطك أكتر من اللي هيشجعك..

ع العموم، بالتوفيق للجميع

مقالات ذات صلة