ليستات
مها محمد١٠ مايو ٢٠٢٠
This article is also available in   Switch Language

١٠ حاجات مش هيفهمها غير جيل التسعينات في مصر

زي ما بيقولوا ده..كل وقت وله أذان

وكل وقت كمان وله الذكريات والحاجات الحلوة اللي بيتميز بيها

وبما اني من جيل التسعينات ف احب اشارك اجيال الالفينات حاجات كتير حلوة متتنسيش ..حتي لو مرة عليها ألف زمن وزمن..

حاجات اديت لجيلنا طعم وذكريات محفورة في الوجدان..

١. ألعاب الآتاري:

او اللي اتحولت واطورت بعد كده لـ البلايستشن العظيم واللي كان من أهم العابها : سوبر مريو والسندباد

حتي لو مكنش عندك كمبيوتر في البيت، اكيد حد من قرايبك كان عنده وكنت تروح له مخصوص عشان تلعب معاه

٢. مسلسل عائلة ونيس:

واللي كان بيجي علي القناة الأولي الساعة سبعة وكل الناس كانت تستناه، من اصغر واحد لأكبر واحد في العيلة لان كان مسلسل اجتماعي في اطار كوميدي وكان بيجمع الناس كلها..

٣ . قناة سبيستون:

القناة اللي ناس كتير أتربيت عليها وكل كرتون وفقرة فيها كانت محفورة في دماغ كل جيل التسعينات:

من أول المحقق كونن والأخوين سابق ولاحق اللي حببونا في حاجة أسمها سباق العربيات..

وكمان منقدرش ننسي كابتن ماجد والحديقة السرية وغيرها من المسلسلات الكرتونية الرائعة..

٤. علي ومني اللي مفرقوناش في كتاب اللغة الأنجليزية:

دي من الحاجات اللي علمتنا وحببتنا في اللغة الأنجليزية وهي وجود شخصيتين على مدار السنة الدراسية وهما مني وعلي اللي علي

طول كانوا بيعلمونا كل جديد من قواعد أو دروس في أطار سهل ومبسط

٥. أعلانات التليفزيونات:

الأعلانات دلوقتي مهما أختلف معناها ومحتواها مش شرط تفتكر منها حاجة ..ويمكن متفتكرهاش أصلا..

لكن أعلانات التسعينات حاجة تانية خالص ومستحيل تتنسي..

علي سبيل المثال وليس الحصر طبعا:

اعلان بونبون كوفرتينا وشخصية الأتنين ستات اللي بيتكلموا كتيررر وكمان أعلان وبونبون سيما ونابليون

كمان أعلان عبد الرحيم عمرو اللي حل أزمة الجواز في مصر هههههه

ده غير ريري وأعلانات الشمعدان والشاي وغيرها كتيرررر

٦. أغاني التسعينات:

بكل حاجة فيها من مطربين والشرايط والكوكتيلات اللي كان فيها كذا مطرب..

مين ينسي سيمون وحميد الشاعري…

طب فاكرين لولاكي وكل البنات بتحبك كل البنات حلوين؟

ده غير صدمات محمد محي وفؤاد اللي كرهتنا في الحب من قبل ما نحب أصلا..

ده غير علاء عبد الخالق وحنان ماضي وفرق كتير ظهرت وأختفت علي مر السنين..

٧. الألعاب، من السمك لبنك الحظ:

في ناس كان اللعب في الشارع مع صحابها هي الشئ المفضل ليها أو اللعب بالبلي الشفاف أو الملون..

وفي ناس تاني كان عندها لعبة بنك الحظ أو السلم والتعبان اللي في طهرها هي أقصي طموحاتهم في اللعب

ده غير كمان لعبة صياد السمك..وهي عبارة عن بيكون معاك صنارة وبعدين تشغل اللعبة والسمك يفضل يلف وانت تحاول تمسكه…

غير أدوات الدكتور والمطبخ والعروسة وغيرها..

٨. مجلة ميكي:

مين مكنش بيستني المجلة بفارغ الصبر وكل شويه يروح كشك الجرايد ويسأل عمو ” المجلة جات ولا لأ “

يمكن تكون حاجة صغيرة وبسيطة لناس كتير..بس بالنسبة لجيلنا كانت بتعلمنا حاجات كتير..

كانت مليانة حاجات تضحكنا وحاجات تانية تخلينا نفكر.. ألغاز وألعاب كتيررر

ونفضل نقرأ فيها لحد العدد الجديد ما ينزل..

٩ بقلز وماما نجوي:

برنامج الأطفال الشهير مع ماما نجوي..واللي كان مليان مغامرات مع بقلز واللي كنا بنتعلم منه حاجات كتير..

نتعلم الصح من الغلط وأزاي نسمع كلام بابا وماما ونبقي شاطرين في المدرسة..

١٠ . سلاح التلميذ:

علامة البنت والولد اللي رافيعن أيديهم في كل الكتب الخارجية واللي كانت بتساعدنا علي حل مسائل وتدريبات كتير..

مفيش حد من جيل التسعينات بقدر ينسي سلاح التلميذ، الكتاب الخارجي اللي كان موجود في كل بيت..

ممكن تكون دي نهاية المقالة بس ذكريات جيل التسعينات لسه مخلصتش ومش هتخلص وهنفضل نفتكرها لأنها صنعت لنا ذكريات

حلوة هتفضل معانا.

مقالات ذات صلة