ليستات
رحمة علي٢٧ أبريل ٢٠٢٠
This article is also available in   Switch Language

4 تطبيقات سهلتلك الحياة في القاعدة في البيت

بعد قرار الحكومة باستمرار فرض حظر التجول لغاية الساعة 9 بليل في رمضان، فأحنا لسه بنعاني أننا مش بنلحق نجيب كل حاجاتنا.


طيب ليه تنزل و تخاطر بصحتك وصحة حبايبك، دلوقتي كل حاجة تقدر تطلبها وأنت قاعد باشا في بيتك، وكلها تطبيقات سهلة وبسيطة بس لازم تكون على موبايلك الأيام دي.


اطلب



أهم تطبيق عشان تطلب أكلك وفطارك وسحورك وتعرف كل محلات الأكل اللي حواليك.

اطلب كمان بيساعدك تشوف الأوردر بتاعك حالته إيه، وبيجهز ولا خلص، وبيعملك وقت تقديري لوصوله لغاية عندك.

نزله دلوقتي موجود في الستور سواء أندرويد أو آبل.



مرسول



التطبيق مش موجود في مصر بقاله كتير بس هو ثبت كفائته حقيقي وعن تجربة.

دا بيخلصلك كل حاجة وأي حاجة أنت عاوزها، يعني لو عايز تحجز تذكر قطر أو لو عايز أكل من حتة معينة مفهاش توصيل أو لو عايز حتى المدام تبعت الفطار للحاجة.

مجرد بس تنزل التطبيق وتبدأ تشوف العروض من الأبطال اللي هيعملولك المهمة، ولو سعر الخدمة معجبكيش بتضغط على سعر أقل وهكذا.

حمله دلوقتي هتلاقي على جهازك سواء كان أندرويد أو آبل.



يدوي



تطبيق دا تقدر تجيب منه أي دواء أو أدوات طبية وصحية، وكمان بيبقى في عروض كويسة جدًا تقدر تستغلها على المنتجات التجميلية وهكذا.

ولو مش عارف تقرا الروشتة ممكن بس تصورهالهم وهما هيبعتولك الأدوية المطلوبة.

التطبيق برده موجود في الستور في جهازك مهما كان نوعه.



فكهاني



دا تطبيق لازم يبقى عندك، عشان هيجبلك كل الخضار والفاكهة وحاجات الطبخ اللي ناقصة قبل الفطار.

كمان عليه وصفات أكل عشان لو محتارين تفطروا.

طريقة التغليب هايلة وكمان بيقدم الفاكهة متقطعة عشان تاكلوها على طول.

التطبيق برده هتلاقي في الستور بتاعك أي كان نوع موبايلك.

وأنت قولنا جربت إيه من التطبيقات اللي فوق دي، وناوي تجرب إيه المرة الجاية.

مقالات ذات صلة