أكل وشرب
أحسن 4 أماكن تأكل فيهم حواوشي تحفة في القاهرة
زهقت من قاعدة الكافيهات والأكل الشيك اللي بالشوكة والمعلقة؟
ليك في اللغوصة، وعايز ترجع للأكل الشارع المعتبر!
المطبخ المصري الحقيقة حافل باللغوصة، يبقى بينا على واحد من أشهر الأكلات الشعبي في المصري، وهو الحواوشي.
لو بتحب الحواوشي فعلا يبقى لازم تكون عميل مميز في محل من أقدم محلات وسط البلد، وهو حواوشي الرفاعي.
هو بيعملك السندوتش بمزاج، يعني مش مجرد شوية لحمة في رغيف عيش وخلاص.
لا هو عنده اللحمة بتبقى سايحة مع الجبنة، وعندك حواوشي سجق سادة وجبنة برده، ولحمة ضاني وكله هتلاقيه عنده، حاجة عظيمة من الآخر.
المكان مالوش اي فرع تاني، في شارع الشيخ ريحان، وفي محلات كتير بتحمل نفس الاسم، بس روح للأصل.
من محلات وسط البلد العتيقة برده، اللي صاحبها جزار وقرر يمتعنا شوية ويعملنا حواوشي حكاية.
يمكن صعب توصل للمحل شوية لأنه جوا حواري وسط البلد، بس ومين فينا مش بيحب حواري وسط البلد؟
لو رايح شلة وأنت وأصحابك يبقى هتاخده في أيديك وتأكله وتنبسط، لو رايح مع عاليتك يبقى اعمل حسابك القاعدة مش هتبقى مريحة شوية، فخد الأرودر بتاعك وكله في العربية.
ولو من مصر الجديدة ولسه مجربتش حواوشي الأمير أو بروتين العائلات، يبقى عيب عليك والله.
لازم تطلع على شارع عثمان ابن عفان حالًا، وتسأل على المحل العتيق دا، عشان تدوق أحلى حواوشي، ومش هتروح بعيد كمان، هو كمان بيقدم مشويات وكفتة، بس خليك في الحواوشي وهتدعيلي.
طيب لو عايز تاكل حواوشي، وتقعد قاعدة شيك في نفس الوقت؟
هنقولك برده طلبك عندنا.
تقدر تروح باب الحديد في المعادي، عشان مش بس قعدته حلوة هو أكله كله حلو، هتاكل حواوشي وسجق، وتعيش تجربة أكل الشارع وأنت جوا المعادي من غير ما تلف كتير.