ليستات
رحمة علي٢٣ يناير ٢٠٢٠
This article is also available in   Switch Language

ليه لازم تروح Winter Wonderland في الشيخ زايد؟

مؤخرًا أعلن كومبوند في زيد الشيخ زايد اللي بيتولى تنفيذه المهندس ورجل الأعمال نجيب ساوريرس عن تنفيذ مدينة الملاهي Winter Wonderland أو ونتر واندر لاند لأول مرة في مصر.


التجربة لاقت اقبال كبير من ناس كتير حابين يعيشوا تجربة مختلفة من أول يوم تم الإعلان عنها.



احنا روحنا لغاية هناك عشان ننقلك التجربة من أرض الواقع، ونقولك 5 أسباب ليه لازم تروح ونتر لاند:



تجربة جديدة ومبهجة جدا



مش عشان هى أول مرة تتعمل في مصر بس، عشان هي تواجدها في مصر أصلًا فترة مؤقتة وهتقفل خلال شهر مارس.

هى دلوقتي أحسن وانسب للانبساط والفرفشة وخصوصا في لمة العيلة والصحاب، المكان متوفر فيه أشكال اقعدات بشكل مختلفة، منها المراجيح ومنها الأقاعدات في الأرض، والكراسي والتربيزات جوا الجنانين وغيره.



احلى مكان تاخد في صور


الديكور مميز جدًا في مساحة الحديقة كلها تحس أنه معمول برواقة حقيقي، ما بين شجر الكريسماس المبهج، ووزينة وأنوار حاجة هتبقي جامدة جدًا، دا معناها أنك هتاخد بقى أحلى صور وسليفي في مصر كلها.



هتقابل شخصيات أول مرة تشوفها



يعني ممكن تبقى اقاعد وتلاقي ملاك داخل عليك، اه والله زي ما بقولك كده، ملاك وبجناحات كمان.

وممكن كمان تقابل واحد من غير راس، شوية هتلاقي 5 باب نويل داخلين عليك ماسكين طبل وزمامير، بص المكان من الآخر كله متعة وبهجة وناس بترقص هنا وناس بتغني هنا.



ملاهي مش هتلاقيها في مكان تاني



جوا ونترلاند كمان في ملاهي تنفع مش بس للأطفال، في بيت الرعب يعني يا صباح الصويت والرزع والضرب اللي هتاخده، في مكان ألعاب مختلفة بتعتمد على التركيز والتصويب، وفي الأخر اليوم بتجمع نقط وبتروح كمان تبدلها بهدية.



هتأكل طبعًا ودلع كرشك


طيب مينفعش كل الانبساط دا من غير المتعة الأساسية في الحياة وهى الأكل، هناك طبعا في مطاعم أكل كتير منها البيتزا والفاست فود والبرجر والباستا، وكمان في سينابون وكافيه بول، وكل ما تشتهي الأنفس آه والله.



تقدر تحجز ونترلاند من هنا، هي متاحة طول أيام الأسبوع من الساعة 4 إلى 11 مساءًا، وسعرها 200 للفرد، ومن الساعة 11 ل11 مساءًا في أيام العطلات الرسمية وسعرها 250.

وسعر التذكرة تشمل الدخول ولعب اتنين من الألعاب الرئيسية بجانب بعض الأنشطة التانية.

مقالات ذات صلة