أنواع المعازيم في الأفراح – الجزء التاني

علشان حبيت الجزء الأول، جينالك بالتاني.

١. سعيد الحظ:

الشخص دة كل هدفه في الفرح انه يخرج منه مكون أصدقاء جدد.

٢. الاولتراس:

ودول بيبانوا في حالة واحدة فقط لما الرقاصة بتظهر وبيجمعوا كلهم حوليها ويرقصوا ولا اكن القاعة دي ملعب كورة 😅

٣. اخو العريس/ أخت العروسة:

بيبانوا انهم اخوات العريس والعروسة ازاي معرفش بس انت بتكتشفهم بنفسك!

٤. الفاشونستا:

ودي بقي بتبقي رايحة جاية مش بتقعد من اول مابتدخل من الباب لحد ماتتطلع لازم تتاكد أن كل الناس شافت فستانها وبتتصور في كل مكان في القاعة.

٥. صاحبة العروسة:

الشخصية دي لازم تقول شعر في المايك عن كل حاجة تخص العروسة وشخصيتها والقاعة والبوفيه

٦. اصحاب العريس:

ودول بقي في قمة الكوميديا، بيشيلوا العريس هيلا بيلا ويحدفوا في السماء وربنا يستر مايقعش وياكلوا وبعد كدة يمشوا.

٧. صحاب العروسة”bridemaids “:

ودول حتعرفعم على طول لأنهم بيلبسوا نفس تصميم الفستان وفي غالب نفس الميك اب ومش بيسيبوا العروسة بيفضولوا يمسكوا ايديها طول الليلة.

٨. معاشات الفرح:

ودول بيبقوا جروب كدة صغير مش كبير، بيبقوا اعدين زعلانين كدة ومش عاجبهم حاجة ومعترضين علي كل حاجة في الفرح او علي جوازة كلها !!

وانت بتقرأ الكلام دة اكيد عرفت انت اي نوع من المعازيم دول 🙂