٧ أمثال لازم عروسة تسمعها قبل الجواز

كلام كتير بيملوا بيه دماغ العروسة قبل الفرح من خوف ومسئولية وهم وحلل ومطبخ..

ومن ضمت الحاجات اللي هتسمعها وسط الكلام ده هي أكيد الأمثال الشعبية..

جمعنا ليكم النهارده أشهر 7 أمثال ممكن اي عروسة تسمعها قبل الفرح..

١ . جوزك علي ما تربيه :

يعني تقدري تتحكمي في جوزك وتعوديه علي حاجات معينة وتطبعيه بطباعك والجو ده..

وطبعا الكلام ده مبيحصلش

٢ . أسهل طريق لقلب الراجل معدته:

الناس بتشوفوه أسهل طريق لأنها مش عايزة تتعب نقسها مش أكتر..

٣ . ظل راجل ولا ظل حيطة:

البنات اللي بيكون نصيبها جه متأخر وكأنها بتقول أهوه أي حاجة والسلام بدل ما أفظل قاعدة في بيت أهلي..

٤ . مراية الحب عمية:

من كتر حبك لشخص معين ممكن متشوفش عيوبه، حتي لو أقرب الناس إليك أتفقوا علي عيوب الشخص ده..

يعني م الآخر لازم تتقرص عشان تعرف..

٥ المخدة متشلش أتنين حلوين:

أنا بشوف المقولة دي خاطئة خالص

ممكن ولد شكله كويس وبنت برضه شكلها كويس ويتجوزوا عادي، مش شرط حد فيهم يكون عنده قدر من الجمال أكتر من التاني..

وبعدين الجمال ده أمر نسبي وبيختلف من شخص للتاني..

٦ . الحب بيجي بعد الجواز:

الجملة دي البنات بتسمعها كتير، خصوصا لما بيجوزوا جواز صالونات كده ومش مبني عن حب أو معرفة قبلها

٧ . يغلبك بالمال أغلبيه بالعيال:

لازم تخلفي عيال كتيرعشان يفضل جنبك ومعاك..وبرضه مش هيحصلش وهيطفش في الأخر من كتر المسئولايات