مشاريع
غصون حجاج٠٦ سبتمبر ٢٠١٩
This article is also available in   Switch Language

أكتر خمس قهاوي مشهورين في القاهرة

الخروجة الحلوة متكملش غير بالقهوة آخر الليل، وعشان دايما القاهرة أحلى بالليل فأنت لازم تجرب تقعد على قهوة من دول في وسط شوارع القاهرة وتتمزج.



1- قهوة الحرية



موجودة في ميدان الفلكي جوه وسط البلد، من أقدم القهاوي اللي موجودة ومشهورة بقهوة الفنانين والشعرا لأن كان بيقعد عليها أحمد رمزي وشكري سرحان والبرنس رشدي أباظة.



2- قهوة أم كلثوم



هتلاقيها في شارع المعز، على طول طبعا مشغلة أم كلثوم وأول ما بتقعد عليها بتحس إن الزمن رجع بيك لورا.



3- قهوة أسوان


أحلى حاجة في قهوة أسوان مكانها، عشان موجودة في شارع الأهرام في هيلوبليس، فهتحس إن جو القهوة وسط مباني مصر الجديدة والكوربة مختلف وجديد.



4- قهوة الفيشاوي



طبعا قهوة الفيشاوي من أشهر قهاوي وسط البلد، ودي القهوة اللي كان بيعتبرها نجيب محفوظ بيته التاني لأنه كان بيقابل عليها كل أصحابه وتعتبر من أقدم قهاوي وسط البلد.




5- قهوة زينب خاتون


أحلى براد شاي ممكن تشربه في حياتك، وفيها شيشة محدش جربها إلا ورجعلها تاني، كفاية بس إنك قاعد وسط مباني أثرية عمرها أكتر من ألف سنة، أساسا بيت زينب خاتون نفسه تحفة معمارية، وهتلاقي القهوة العظيمة دي وأنت بتتمشى في الحسين والأزهر، في شارع محمد عبده ورا جامع الأزهر.




مقالات ذات صلة