شخصيات لازم هتقبلهم في فترة التجنيد

فترة التجنيد جزء من هوية أغلب الشباب المصري، لو انت دخلت الجيش أكيد الشخصيات ديه عدت عليك، لو لسه هتدخل فاحنا هنا هنعرف على شخصيات لازم هتقبلهم في فترة التجنيد.

السكلي

ده لقب الشخص الكسلان، هتلاقي على طول عنده عذر يرمي بيه شغله على أى حد من زميله، بيهرب من الطوابير، مفيش منه أمل أنه يعمل شغلانة، بيفضل يتعاقب طول خدمته لأنه مش بيصحى بدري غالبًأ، مينفعش يفوت أسبوع من غير ما يتكدر.

النعار

بيلم الرجالة في الكتيبة حواليه، ويحكلهم عن أمجاده بره، والأهرامات التلاتة اللي بناها في الجيزة، ولو حد من زميله قربله تلاقيه ديمًا بيقوله انا لو كنت بره كنت عملت وسويت فيك، هو داخل الجيش عشان يتكلم عن أمجاده بره اللي تلت تربعها نعر على الفاضي ومفيش منها حاجة حقيقية.

الكراسة

واحد ديمًا معاه قلم وكراسة، على طول بيكتب، انت مش عارف بيكتب أيه، هتلاقيه قاعد السرير بيفضل يكتب برضه، بيدخل الجيش وبيخرج وهو بيكتب، بيقيد ديون على الناس اللي معاه في الوحدة، ولا بيكتب مذكراته وأشعاره، ولا ده جسوس… محدش عارف.

الحبيب

ده بيكون مسرب موبيل كده في الخباثة وبيكلم حبيبته طول الليل، وتلاقيه مسهتن كده على نفسه، وهايم في بحر العشق، منفض لأ حاجة ممكن تعكر صفو المكالمة الحلوة، والولد ده بيزعل جوه خالص من السف اللي بيخده من هذه الرجال المحرومة من أى حاجة طرية جوه الجيش.

السيكا

وهو العسكري اللي بيخاف منه كل اللي في الكتيبة بحكم قربه من الظباط، لأنه العسكري اللي بيساعد الظابط، بيعمل شاى وقهوة مثلاً، مستريح على الأخر، مش هتلاقي ناس كتير بتحبه ولا تحب تقعد معاه وتكلمه… حرص منه.