مشاريع
لهواة السهر: أفضل ٧ ملاهي ليلية في القاهرة
أكيد بيجي عليك وقت عايز تفصل، وتقضيها رقص ومزاج، تسمع مزيكا تشعوزك وتخليك عايز تطير، وهنقدملك في السطور الجاية أفضل 7 Night clubs تقدر ترقص وتفصل فيهم لو انت في القاهرة.. هتحب تجربهم.
لو سنك أكبر من 25 تقدر تدخله، المكان ده مختلف عن أى نايت ممكن تجربه في القاهرة، وبيعمل مزيكا حلوة هتفضل ترقص وتهيبر عليها طول الليل.
المكان ده في وسط البلد، جامد جدًا عشان تاخد حبيبتك وتقضوا سهرة كلها رقص ومزاج، لازم تحجز قبلها، القعدة لوحدها هناك هتاخدك لعالم تاني، مكان غربي على شرقي، هيخليك في مود تاني، وهتحب تكرر تجربة أنك تروحه.
الخروجة ديه لازم يترتبلها من قبلها بشوية، مينفعش تروح النايت ده لوحدك، لازم الشلة الحلوة تبقى معاك، وتستعد انكم تسافروا لرحلة مزيكا ودرينك وهيبرة ملهاش حل.
تقدر تعتبر النايت ده شرقي أكتر منه غربي، بخلاف أن الدرينك اللي فيه حلوة بس أسعاره غالية شوية، انت هتلاقي وصلات للرقص الشرقي، متروحش لو ناوي تقضيها كلام، المكان ده عشان ترقص وتخرج كل الطاقة اللي جواك.
لو بتدور على نايت في محيط المعادي، تسهر وترقص، فالنايت ده اختيار مناسب ليك، لازم تحجز قبلها من الموقع بتاعهم، وخد بالك أن المكان ده بيبقى زحمة معظم الوقت، بس فيه طاقة هتخليك في حتة تانية، أحجز وروحه انت والشلة وفكوا من ضغط الشغل شوية.
علامة من علامات النايت لايف في القاهرة، لو مجربتهوش فانت فايتك كتير، عايز تقضي نايت جامدة كلها رقص وشرب وفصلان من الدنيا باللي فيها، يبقى تحجز وتروح المكان ده انت والشلة أو مع حبيبتك عشان تقضوا سهرة العمرة.. لازم تجربوه.