مدونة
مها محمد١٨ مايو ٢٠١٩
This article is also available in   Switch Language

أغرب ٥ أشياء هتلاقيها في فندق الجبل الأبيض بسيوة

جزء كبير من الشعب المصري ميعرفش تقريبا حاجة عن فندق ” أدرير أميلال ” او ” الجبل الأبيض” باللغة الأمازيغية السيوية..


الفندق موجود في صحراء سيوة علي بعد حوالي 300 كم من ساحل البحر المتوسط للجنوب الغربي من مرسى مطروح، وحوالي 8 ساعات من القاهرة..



أحد أصحاب الفندق نفسه كان بيقول في أحد اللقاءات الصحفية انه كان بعيد عن مخيلته الشهرة الواسعة اللي وصلها الفندق وخصوصا بعد زيارة الأمير تشارلي وزوجته كاميلا في مارس عام 2006 علشان يقضوا ليلة واحدة في فندق منعزل وسط الصحراء….


حتي ال ” سي ان ان ” كتبت تقرير عن الفندق وقالت : انه بيعد من اغرب الفنادق اللي ممكن تزورها في العالم..


في مدونتنا النهارده هنستعرض أهم الحاجات المختلفة والغريبة اللي هتلاقي في فندق الجبل الأبيض بسيوة


١. هو فندق صديق للبيئة 100%..مستوحي من حياة سكان سيوة البسيطة, بيحتوي علي 40 جناح مبني من الطين والملح الصخري


٢. الفندق مفيهوش كهربا ..فهو بيعتمد بشكل اساسي في الصباح علي اشعة الشمس, كمان درجة حرارة الغرفة بتكون معتدلة وده لأن الملح بيمتص الحرارة ..اما بالليل فبيتم أنارة المكان باستخدام الشموع المصنوعة من شمع عسل النحل



٣. ممنوع استخدام الهواتف المحمولة داخل الفندق


٤. يقوم طهاة الفندق باستخدام الطرق التقليدية في طهي الطعام وهي قطف الخضار من الشجر الموجود حول الفندق..كمان الفندق محاط بحوالي 7 بحيرات ده غير اشجار الزيتون..




٥. بعد كل المميزات والحاجات الغربية دي , هل تتخيل سعر جناح في فندق الجبل الأبيض ممكن يوصل لكام!!!



نقدر نقول حوالي اكتر من ١٠ الف جنيه في الليلة..



بس الحقيقة فندق بالنوع ده وفي مصر يستاهل فعلا كتير في عالم مليان بالضوضاء والطاقة السلبية والتكنولوجيا السريعة, بنحتاج جو مختلف وهادي وبعيد عن كل اشكال السوشيال ميديا ونفكر بس بالاستمتاع والجمال الرباني اللي موجود حوالينا..