أكل وشرب
محمد محسن٠٣ أبريل ٢٠١٩
This article is also available in   Switch Language

مطاعم الأكل السوري في أكتوبر

لو انت جاي من برا أكتوبر، وهتقضي وقت قليل، وعايز أكل لذيذ، يبقى بالتأكيد تاكل أكل سوري، لان مفيذ حد دخل اكتوبر ومكلش أكل سوري، أكتوبر حاليا معظمها مطاعم سورية، وبقى السوريين جزء أساسي من الحياة اليومية في 6 أكتوبر وضواحيها.

في السطور الجاية، هنقولك على مطاعم سوري لازم تروحها في أكتوبر وتجرب أكلهم.

روستو

روحت أكتوبر؟

أيوة

روحت روستو؟

لا..

يبقى مروحتش أكتوبر، أي حدد عدى على أكتوبر ولو زيارة طياري أكيد سمع عن روستو، وفراخ روستو، ويعتبر أصل الأكل السوري بشكل عام في أكتوبر، خاصة الفراخ المشوية، الكل بيشكر فيها، وفيه ناس مدمنة أكل روستو، علشان كدا بنقولك لما تروح أكتوبر عدى على روستو الأول، ليهم 3 فروع في أكتوبر، والـ 3 فروع جنب بعض، وكل واحد فيهم عليه زحمة للركب، بس هتلاقي مكان أكيد.

شاورما الريم

ناس كتير بتقول عليهم انهم أصل الشاورما السوري في مصر، ليهم فروع كتيرة، ومنها فرع أكتوبر، طبعا الشاورما هي الأساس، بس عندهم وجبات تانية كتير منها الفراخ بانواعها، فاتحين دايما من الساعة 10 الصبح لحد 2 بالليل، فرع أكتوبر في برج 3 جنب جاد، في ميدان الحصري.

شيف الشام

واحد من المطاعم السوري الحلوة اللي مش في الحصري – مركز المطاعم السوري ــ، موجود في الحي الأول، عنده وجبات فراخ سوري، وكمان عنده وجبات كفته، وشاورما وبيتزا، برشحلك الممطعم ده هتنبسط بأكلهم.

بركات الحلبي

بيقدموا أنواع كتير من الأكل السوري غير اللي متعودين عليه، زي بروستيد بركات اللي ليه تتبيلة خاصة بيهم، كمان عندهم فتة شاورما، وكبة مشوية على الطريقة السورية، بأنواع مختلفة، بركات عندهم فرعين واحد في اكتوبر في أبراج علاء الدين في الحصري، وفرع تاني في الشيخ زايد، في مول المعز.

مقالات ذات صلة