غير مصنف
محمد محسن١٩ يونيو ٢٠١٩
This article is also available in   Switch Language

أماكن لحفلات المزيكا في القاهرة

دايما بنستنى باند كبير يعلن عن حفلته علشان نعرف بيها، بس في السطور الجاية هنقول عن أبرز الأماكن اللي في القاهرة اللي بتعمل حفلات مزيكا بشكل منتظم.

ساقية الصاوي

طبعا دي أساس حفلات المزيكا في مصر، أي باند مشهور في مصر، أكيد في يوم من الأيام عمل حفلة هنا، كايروكي، وسط البلد، مسار إجباري، وغيرهم كتير، في الساقية في حفلات كتير، سواء شعر، او مسرح عرايس، ومعارض فنية وسينما، بس من أكتر الحاجات اللي بتنظمها ساقية الصاوي هي حفلات المزيكا، وتقدر تحجز التذاكر أونلاين.

روم آرت

روم هو مساحة فنية و مسرح للعروض الفنية و الموسيقية بجانب كونه مطعم و كافيه، بيستضيف حفلات فرق غنائية في بداية مشوارها، ودايما بتكون أسعار تذاكرهم مش غالية، وفي متناول الجميع، وبيعملوا أوقات حفلات أوبن مايك، تقدر تروح تغني وتطلع مواهبك.

مركز الربع الثقافي

الربع جوه مختلف، حفلات مليانة روحانيات، والمزيكا والطرب هناك كله سلطنة، حفلاتهم بتكون للحضرة، وايجبيشيان بروجيكت، وفرق تانية المتخصصة في الإنشاط الصوفي والتواشيح، والمكان نفسه هو موجود من العصر الفاطمي، لأنه جزء من شارع المعز.

درب 1718

مركز ثقافي بينظم حفلات موسيقية لفرق بتقدم مزيكا متنوعة، وعندهم ايفينت رئيسي اسمه مزيكا على السطح وده بيضم على مدار الشهر حفلات المزيكا وبتكون في سطح المركز في الهواء الطلق، كمان بيعملوا فعاليات تانية زي السينما، وورش تدريبية في الفنون، ومعارض فنية.