مدونة
كارلوس أنيس٢٩ مارس ٢٠١٩
This article is also available in   Switch Language

أجمد ١٠ أماكن لتعليم الرقص في القاهرة

محدش ينكر أن الرقص متعة خالص، طيران من نوع خاص في عالم المزيكا، ومعظمنا بيحب الرقص سواء شرقي أو غربي، عشان كده هنعرفك على أجمد أماكن لتعليم الرقص في القاهرة.


١ . Cairo Contemporary Dance Center



تعتبر أول مدرسة لتعليم الرقص بدوام كامل في مصر والعالم العربي، كمان عندهم برنامج مدته 3 سنين عشان اللي عايز يحترف الرقص، المركز بيقدم حصص مفتوحة وورش عمل لأنواع مختلفة من الرقص ، عندهم باليه وهيب هوب ورقص معاصر، ده غير أنه معترف بيه من المجلس الدولى للرقص التابع للأمم المتحدة، وأسعارهم لطيفة وحلوة، أدخل على صفحتهم اختار الرقصة المناسبة ليك.



٢ . Vogue Center – House Of Artistry



ده واحد من أشهر أماكن تعليم الرقص في القاهرة، مكانه في هيليوبلس، فهو مناسب لو انت فى محيط مصر الجديدة ومدينة نصر، عندهم باليه، صالصة، تانجو، زومبا، والمدربين هناك لطاف جدًا ومش بيسبوك، بيتبعوا معاك خطوة بخطوة، لو عايز تتعلم بجد، فده المكان المناسب ليك.



٣ .Samia Allouba Gym Dance & Fitness Centers



لو انت من سكان المعادي فالمكان ده أنسب مكان ليك، جيم سامية علوبة لتعليم الرقص واحد من أجمد أماكن تعليم الرقص فى القاهرة، بيبتدي معاك خطوة بخطوة سواء كنت كبير أو صغير، هيخلوك تعرف ترقص، وتقدر تختار بين كذا نوع من الرقصات تتعلمه زى الرقص الشرقي وصالصة والتانجو، المدربين هناك مستواهم عالي والمكان حلو جدًا.



٤ .DANZONE STUDIO



بتحب الهيب هوب والبريك دانس، فمن غير ما تدور كتير، المكان ده هيخليك تتشقلب زى الناس اللي بتشوفهم في الفيديوهات ونفسك وتبقى زيهم ، خد صحابك وشجعوا بعض وجربوه، ده غير أن المكان برضه بيعلم باليه لو عايز تودي أطفالك.



٥ . LATIN LOVE DANCE SCHOOL CAIRO



المكان ده لكل عشاق الرقص اللاتيني، عندهم كل أنواع الرقص اللاتيني، ده غير أنك مش هتحس بغربة في المكان أو خجل، الناس هناك بتتعامل بمبدأ العيلة الوحدة وهيحسسوك أنك بترقص في البيت، كمان هيشجعوك ترقص على خشبة المسرح، وتقدم عروض عشان تكتسب شجاعة، وهيخدوا بأيدك خطوة بخطوة عشان توصل للاحتراف.



٦ . Dansation Egypt



انت بتروح المكان ده بتحس أنك بتفرغ طاقة رهيبة وبتتعلم بسرعة بسبب الأجواء اللي فيه ومدربين الرقص هناك، عندهم كل أنواع الرقص اللاتيني اللي تقدر ترقصه لوحدك او ثنائي، هيبقوا معاك خطوة بخطوة، والمزيكا هناك تجنن وبتحفزك انك ترقص لوحدك، غير ديكور المكان والإضاءة اللي هيخليك تحس أنك في ديسكو أو نايت مش مجرد مكان لتعليم الرقص.



٧ . Belly Dance In Nasr City


لو انتي من عشاق الرقص الشرقي، ونفسك تطوري مهراتك فيه، أو حتى بتحبي الرقص الشرقي ومبتعرفيش بس نفسك تتعلمي، فلازم يكون المكان ده اختيارك، لأنه أول مكان في مصر متخصص في تعليم الرقص الشرقي فى مدينة نصر على إيد متخصصين وخبراء، ده غير أنه بيقدم عروض وخصومات كتير بالذات على النظام الشهري، متدوريش كتير عشان ده اختيارك المناسب.



٨ . Easy Talent Academy



لو حلمك تعلم أطفالك إزاى يرقصوا باليه، بس محتار ومش عارف تختار مكان مضمون يعلمهم بشكل احترافي ويكون معتمد، فمتدورش كتير عشان المكان ده هو الاختيار الأنسب لأطفالك، بيبدأ معاهم من سن 3 سنين لحد 16 سنة، وبيشتغلوا بنظام الفصول الدراسية، ده غير أنه معتمد من أكتر من جهة دولية ده غير أنه معتمد من مدرسة الجمباز العامة في مصر، خد فكرة عن المكان ومش هتندم.



٩ . Hany Hassan Ballet Academies



بنرشحلك المكان ده برضه لو حابب تعلم أطفالك الباليه، المكان ده مميز وتحت راعية راقص الباليه الأول في دار الأوبرا هاني حسن، وبيقدم خدمة مميزة وعلى مستوى عالى جدًا، غير أنه بيقدم عروض كتير هتناسبك، وتناسب احتياجات طفلك.



١٠ . Ezzat Ezzat Contemporary Dance Studio



احنا بنتكلم هنا عن واحدة من أروش وأجمل مدارس الرقص المعاصر في مصر، الأجواء عندهم محفزة جدًا، ده غير المدربين اللي مش بيسبوك في أى خطوة، وهتحس من الناس اللي معاك انكم علية واحدة، وهتبقى مستنى معاد الحصة بفارغ الصبر، وهتحب الرقص أكتر وأكتر، المكان ده لازم تجربه وتروح تشوفه، وخد بالك المكان ده برضه بيعلم فنون القتال بس احنا هنروح نرقص ونسيب القتال ده لوقت تاني.

مقالات ذات صلة