مدونة
كارلوس أنيس٠١ أبريل ٢٠١٩
This article is also available in   Switch Language

٥ فسح مختلفة للأطفال فى القاهرة

كتير بنحتار نودي الأطفال فين، خاصة في الأجازات الأسبوعية، النهاردة هنعرفك 5 فسح مختلفة للأطفال في القاهرة، عشان يجددوا نشاطهم ويكملوا مذكرتهم بتركيز ونشاط بعد الإجازة.


١. قرية العزبة

الفسحة ديه هتفاجئ الأطفال وهيحبوها جدًا، انت عندك 50 فدان جناين الأطفال يجروا ويلعبوا فيهم زى ما يحبوا، المكان آمن جدًا بس لازم تخلي عينك مع الأطفال، هتلاقي مطاعم وأماكن مخصصة للعب الأطفال، ده غير القعدة والجو الحلو اللي هتلاقيه لما تروح، والمكان الخدمة فيه متميزة وعروضهم حلوة، لازم تودي الأطفال يتفسحوا هناك فمرة.



٢. حديقة الأزهر


مفيش حد ميعرفش حديقة الأزهر، ولا مسمعش عن جمال الشجر والزرع هناك، ده غير أن فيها أماكن كتير عشان تقعد فيها مع أطفالك، ومش هتكلفك كتير، والحديقة كمان فيها كذا حتة مناسبة للعب الأطفال، ده غير أنهم بيعملوا فاعليات كتير وعروض كتير مخصوص للأطفال، كمان لأنها مكان مناسب للأعداد الكبيرة، فهي مكان مناسب لو عايز تنظم رحلة آمنة للأطفال.



٣. مسرح العرايس



لو مجربتش تفسح أطفالك وتوديهم مسرح العريس يبقى فيتك وفيتهم كتير، المكان أكثر من رائع وبيقدم عروض مفيدة وملهمة للأطفال، كمان تقدر تنظم رحلة لمجموعة من الأطفال وتروح تفرجهم على مسرح العرايس وعرض الليلة الكبيرة اللي بيحب يشوفه كبار وصغيرين، هتبقى فسحة حلوة والكل هيبقى مبسوط.



٤. السيرك القومي



كام مرة عديت من جنب السيرك ولا حتى شفت فيديوهات للعروض في السيرك وكان نفسك تروحه وتاخد الأطفال معاك، انت مش بتقرى ده صدفة، لازم بقى تظبط خروجة أخر الأسبوع على السيرك، وتخلي عيالك يتفرجوا على العروض الحلوة واللطيفة، وتفصلوا شوية من ضغط الشغل والمذكرة، متأجلهاش.



٥. كيدزانيا



المكان ده مختلف، لأنه مش بس هتفسح فيه الأطفال، لكنها فسحة هيستفيدوا فيها، هو عبارة عن مدينة للأطفال متصمم عشان يحاكي الواقع بس مناسب للأطفال، وفيه أنشطة مختلفة زى التعاملات المالية بيقوم بيها الطفل بنفسه وبيستخدموا عملة اسمها “كيدزوس” عشان الأطفال يتعملوا بيها كأنها فلوس حقيقية، المكان أمن وترفيه وتعليم للأطفال في نفس الوقت.