ملاهي لازم تجربهم في محيط القاهرة

مدينة القاهرة واحدة من المدن اللي بتضم عدد كبير من الملاهي الضخمة والمعمولة على أعلى مستوى يضمن ليك الاستمتاع والانبساط، وعشان كده هنقولك على ملاهي لازم تجربهم في محيط القاهرة هيعجبوك وهتحب أنك تروح تجرب كل الألعاب والفاعليات فيها.

١. Dream Park

إذا ذكرت الملاهي في مصر ذكرت “دريم بارك”، ديه وأحدة من أكبر ملاهي الألعاب والترفيه في الشرق الأوسط، معروفة بألعبها اللي بتناسب جميع الأعمار، وهى برنامج أساسي لفسح العيد والإجازات، لو مجربتهاش لازم تجرب تروحها عشان فايتك كتير.

٢. Aqua Park

أكبر مدينة للألعاب المائية في الشرق الأوسط، كل الألعاب المائية المثيرة والحلوة هناك، هتقضى يوم خيالي كله ميه ولعب، كمان فيه مساحات خضرا كتير عشان تتمشى وكافيهات عشان لو حبيت تطلب حاجة، الخدمة والأنشطة هناك حلوة وهتبسطك، كمان هتلاقي مفاجآت كتير لما تروح.

٣. Crazy Water

محتاج تفصل عن ضغط الشغل أو المذاكرة ومعندكش وقت تسافر ولا الميزانية تساعد، كريزي وتر اختيار صح لفسحة كلها لعب وتنطيط وشقاوة، هتعمل ذكريات حلوة مع صحابك مش هتنسوها خالص، لم صحابك وروحوا قضوا يوم في كريزي ووتر وهتحبوا الألعاب المائية هناك ومش هتزهقوا منها.

٤. B&D Park

أقضى هناك وقت جميل سينما وألعاب للأطفال، وهتلاقيه برضه مكان هادي وخروجه سريعة وحلوة في نص اليوم، المكان مقفول يعني أمان ودفى طول السنة، كمان المكان بيقدم عروض خاصة بجنب الألعاب وتقدر تعمل فيه عيد ميلاد أطفالك بالحجز.

٥. Play Time Park

انت بتتكلم عن أكبر مساحة للترامبلين في مصر، يعني لعب وشقاوة وتنطيط للصبح، المكان فيه ألعاب كتير ومناسب لكل الأعمار، ولو انت كبير أول ما هتدخل المكان هتحب ترجع صغير، لازم تاخد صحابك أو أطفالك معاك، المكان أمن تماماً، وفيه منطقة سوفت بلاى وقاعة حفلات مجهزة عشان أعياد الميلاد، والخدمة هناك حلوة ومميزة.

٦. Dolphin Park

من أجمل الملاهي اللي ممكن تروحها في محيط القاهرة، بيعملوا عروض دلافين الناس بتجلها من كل حته، هتتفرج على الدولفين وهو بيلعب قدامك وممكن كمان تتصور معاه، ده بالإضافة أن المكان فيه ركن ألعاب وكافيهات، لازم تاخد حبيايبك وتشدوا على دولفين بارك، هتقضوا يوم كله لعب وضحك.