مشاريع
محمد محسن٠٤ مايو ٢٠٢١
This article is also available in   Switch Language

دليل لشواطئ الإسكندرية.. خليها طراوة

شط إسكندرية، يا شط الهوى، روحنا اسكندرية رمانا الهوى، زي ما قالت فيروز، احنا بنقولك عدي على اسكندرية طري على قلبك، وخلي حياتك طراوة شوية، وبما إن البحر يعني اسكندرية، فطبيعي لما تروح اسكندرية تشوف أقرب شط ليك إيه وتروح تستمتع، هنقولك دليل مبسط عن شواطئ إسكندرية.

اسكندرية فيها عدد كبير من الشواطئ موجودين على ساحل البحر بطول 24 كيلو متر، الشوطئ هناك بتتقسم لـ 3 حاجات، مجانية ومميزة وسياحية، ولكل نوع فيهم ليه مميزاته وأسعاره المختلفة.

الشواطئ المجانية

هناك الدخول مجاني، ممكن تأجر شمسية بـ 3 جنيه، وكرسي بـ 1 جنيه، وممكن تجيب الكرسي والشمسية معاك ومش محتاج تأجر، الشواطئ دي هي المندرة 3 ، والهانوفيل، وجليم، والمكس وبليس.

كمان فيه 22 شاطئ تاني اسمها شواطئ الخدمة، وتأجير الشمسية والكرسي هناك بـ 5 جنيه، و2 جنيه رسوم إنقاذ وخدمات، ممكن بردو تروح بالشمسية والكرسي بتوعك.

الشواطئ هي ، أبو قير- العصافرة غرب – ميامي شرق – سيدى بشر

أبو هيف 1- أبو هيف2 – مظلوم – أنفوشي شرق – أنفوشي غرب – الدخيلة شرق – الدخيلة غرب – شهر العسل

هدير – تقسيم الملاح – السلام – دلتا الهانوفيل – ابو يوسف – فاميلي بيتش – الصفا – شرق ابو تلات

غرب ابو تلات شاطئ مركز ومدينة برج العرب

الشواطئ المميزة

عددها 20 شط في كل إسكندرية، وتكلفة الفرد حوالي 10 جنيه شاملة الشمسية والكرسي، كمان كل الخدمات اللي منها الحمامات وأماكن لتغيير اللبس وهي، المندرة2 – العصافرة شرق – ميامي غرب – سيدى بشر 1- سيدى بشر 2 – أبو هيف – السرايا – السلسلة – رأس التين – بحري – بليس – البيطاش 1- البيطاش2 – الهانوفيل- أبو تلات.

الشواطئ السياحية

لو بتدور على مستوى عالي من الروقان، وكمان خصوصية أكتر يبقى لازم تطلع على الشواطئ السياحية اللي هي المندرة 1 ، و البوريفاج ، و وستانلي، ودي أسعارهم مش عالية بردو، رسوم الشط 15 جنيه بس.

منستش أقولك، أن كل الشواطئ دي فيها مراقبين شط، ومنقذين في حالات الخطر، كمان فيها منافذ بيع منشرة لكل اللي هتحتاجه، وفي وحدات إسعاف منتشرة قريب من الشواطئ دي،، رحلة سعيدة.

مقالات ذات صلة