مدونة
محمد محسن١٤ نوفمبر ٢٠٢٠
This article is also available in   Switch Language

تطبيقات على الموبايل هتنفعك في شوارع القاهرة

كل واحد دلوقتي معاه سمارت فون في ايده، وحياتنا مبقتش تعدي من غير ما نستخدم الموبايل في كل حاجة، بداية من الجيمز، لحد الشغل والمذاكرة، وعلشان حياتنا بشكل عام نحب تكون سهلة، خاصة لو انت مش من القاهرة، وزي ما بيقولوا الغريب أعمى ولو كان بصير، علشان ننورلك الطريق في القاهرة، هنقولك في الكلام الجاي على تطبيقات هتنفعك.

مترو القاهرة Cairo Metro‏

مترو القاهرة، هو شريان الحياة بالنسبة للمواصلات والتنقل في القاهرة الكبرى وضواحيها، والمحطات منتشرة في كل حتة، على مدار 4 خطوط، وفيه محطات وخطوط تانية تحت الإنشاء، في أبلكيشن مترو القاهرة هتقدر أقرب محطة مترو إلى موقعك، و إرشادك من خلال الخريطة للوصول إليها، وفيه خريطة كاملة لكل المحطات، الابلكيشن بيشتغل من غير انترنت، وفيه لغتين عربي وانجليزي.

حمل التطبيق من هنا.

دليل مصر

أبلكيشن شامل لكل حاجة في القاهرة ومصر بشكل عام، دليل كامل لأرقام الخدمات العامة، وأرقام وعناوين والمستشفيات، والفنادق، ومصالح حكومية وخاصة كتير، كمان فيه دليل سياحي للأماكن السياحية في مصر، وأسعار العملات والدهب، كمان فيه بث مباشر لمحطة راديو مصر، وجزء خاص بالأخبار في كل المجالات.

حمل التطبيق من هنا.

اطلب – Otlob‏

لو انت في أي حتة، وجعان لازم تفتح موبايلك وتطلب أكل، وعلشان الدنيا تبقى سهلة معاك، نزل أبلكيشن أطلب، هتلاقي فيه مطاعم كتيرة جدا لكل الاشكال والانواع من الاكل، تقدر تطلب من عليه، بدون الاتصال بالمطعم مباشرة.

حمل التطبيق من هنا.

elmenus‏

علشان الأكل بردو، لو انت قاعد في شغلك أو بيتك ومش لاقي منيو أي مطعم، افتح موبايلك وافتح الابلكيشن، هتلاقي فيه قاعدة بيانات كبيرة لمطاعم القاهرة، وكمان وسائل الاتصال بكل المطاعم دي.

حمل التطبيق من هنا.

وصلني

تطبيق هيخليك تعرف المواصلات في القاهرة وازاي توصل من مكان لمكان تاني في أسرع وقت و أقل تكلفة، هيقولك تركب مواصلة ايه منين، وتنزل فين، ويقولك سعر كل مواصلة كام.

حمل التطبيق من هنا.

مقالات ذات صلة