مدونة
مها محمد١٣ نوفمبر ٢٠٢٠
This article is also available in   Switch Language

استمتع بالطبيعة الخلابة في الفيوم

مصر مش الأهرامات بس.. مصر فيها كنوز كتير تستحق أننا نتكلم عنها سواء كانت فيها مناظر طبيعية او اثار مختلفة علي مر العصور.


أشهر المحميات الطبيعية :


محمية بحيرة قارون:



تبلغ مساحة البحيرة حوالى 53 ألف فدان وبها العديد من الأسماك المختلفة والمتنوعة, بالأضافة الي وجود الطيور المهاجرة.




محمية وادي الريان:


يضم الوادي عدد كبير من الحيوانات البرية النادرة والنباتات الطبية ..مش بس كده كمان من أهم وأندر الأسماك الموجودة هناك هي أسماك قشر البياض.


محمية وادي الحيتان:



بيضم وادى الحيتان هياكل عظمية لحيتان نادرة الوجود ذات أحجام وأشكال وأنواع مختلفة ..وقد تم أضافة جزء من الهياكل دي إلى متحف لندن واللي بيضم عدد كبير من الحفريات التاريخية ..وقد قامت منظمة اليونسكو مؤخرا بإدراج وادى الحيتان تحت قائمة الأماكن التراثية العالمية.


أهم الآثار الفرعونية :

أطلال مدينة ماضي:


تحتوى المدينة على أطلال معبد بناه الملك إمنحمات الثالث والرابع فى الأسرة 12.. وكمان المعبد بيعتبر من أكبر المعابد التي تخص الدولة الوسطى فى مصر الفرعونية.



هرم هوارة:



تم بنائه من الطوب اللبن فى عهد الملك إمنمحات الثالث



مسلة سنوسرت:


أقام المسلة الملك سنوسرت الأول أحد ملوك الأسرة 12 احتفالا بتحويل مدينة الفيوم إلى أرض زراعية .. المسلة مصنوعة من الجرانيت وارتفاعها حوالى 13م ..كمان هنلاقي ثقب أعلى قمة المسلة وده كان بيوضع عليه تاج الملك.. المسلة موجودة حاليا عند مدخل الفيوم



أهم الآثار اليونانية والرومانية :

أطلال مدينة ديمية السباع:


المدينة بتقع بالقرب من بحيرة قارون, حيث أقام اليونانيون معبد صغير وسور علشان يحوط المدينة واللي هنلاقيه لسه موجود لغاية دلوقتي.

آثار فيلادلفيا:

تم ذكر آثار فيلادلفيا فى البرديات اليونانية القديمة مشيرين إلى أنها كانت مركز للوحى الخاص بالإلهين أمون وإيزيس

مدينة كرانيس:

أكثر حاجة بتميز المدينة دي عن باقي مدن الفيوم انها بتضم معبدين كانوا مخصصين لعبادة التمساح أو الإله سوبك في مصر الفرعونية.