٦ حاجات لازم هتلاقيها في كل بيت مصري

كل بيت ليه أصول وقواعد في تربيته وثقافته، بس رغم الأختلاف ده هتلاقي في حاجات متشابهة كتير وموجودة في كل بيت مصري

١. الطقم الصيني:

بخلاف طبعا مكان النيش الشهير الموجود في أوضة السفرة أو أوضة الجلوس واللي 90% من ستات مصر مستعملتش حاجة فيه،

هنتكلم عن حاجة مهمة ودي عادة بتكون جوه النيش نفسه وهو الطقم الصيني..

الطقم اللي مبيطلعش غير للضيوف..

الطقم اللي لو أتكسر منه حاجة هتبقي حوسة..

الطقم اللي ممكن يعدي عليك كده وتشوفوه بالصدفة في المناسبات والعزايم الكبيرة..

٢. علب الأيس كريم اللتي أتحولت لحفظ الثوم:

أكيد في مرة وأنت بتفتح الفريزر بالصدفة علشان تجيب أزاة مياه أو عيش بلدي للفطار, عينك وقعت علي علبة أيس كريم..

وريقك بدأ يجري يا عيني..بس في الأخر تكتشف أن جواها توم ولا صلصة مجمدة أو أي حاجة تانية ملهاش أي علاقة بالأيس

كريم أساسا..

وده ببساطة بيوضح الست الواعية المدبرة من الست اللي بترمي أي حاجة تجي في أيديها..

٣. الكرسي الشهير اللي بيترمي عليه أي هدوم:

الكرسي الغلبان ده عادة هتلاقيه يا في أوضة النوم أو في الصالة، وده الكرسي اللي بترمي عليه أي حاجة تعدي قدامك..

شنطة ماشي..قميص وماله..شراب مش هيخسر

لحد ما تلاقي كوم كبير متعرفش أتحط أمتي.. بس لأ،، أكيد من هيفضل كده

الكرسي ده أو بمعني أصح الحاجت اللي عليه بتختفي بمجرد وصول ضيوف أو ناس جايه تزورنا..

بس تلقائيا الكرسي ده بيرجع تاني زي ما كان أول ما الضيوف ما تمشي..

٤. تخزين الكراكيب واللعب تحت السرير:

تحت السرير ده هتلاقي عالم تاني خالص..

عالم أثري كده، مليان حاجات من وأنت صغير..ممكن هدومك أو لعبك أو حتي كتبك الدراسية وأنت في ثانوي..

مفيش بيت مصري مش هتلاقي فيه المغارة دي..مغارة الزمن الجميل اللي مليان ذكريات كتيررر

٥. الهدوم القديمة التي أتحولت لركن التنظيف في البيت:

ممكن وأنت معدي في المطبخ بالصدفة تشوف قميصك القديم ولا الطرحة بتاعة السنة اللي فاتت واللي أتحولوا بقدرة قادر لأقمشة وقطع

صغيرة كده للتنظيف في البيت وبدون أي مقدمات..

بس عادي هتشوف المنظر ده وهتعدي عادي..لأن ببساطة مفيش في أيديك حاجة تعملها..

٦. حفظ التوابل في برطمانات النسكافيه أو الصلصة:

الساعة 1 بعد منتصف الليل، ممكن تلاقي نفسك مش جايلك نوم ومحتاج شويه نسكافيه عشان تسهر شويه مع فيلم علي MBC2..

تدخل علي المطبخ وبكل براءة ..تحط السكر في الكوباية ولسه بتأخد علبة النسكافيه وتفتحها تلاقي فيها فلفل أسود…

سبحان الله..

مش بس علب النسكافيه..ممكن الصلصة أو المربي أو أي برطمان زجاجي ممكن ينفع لوقت زنقة..