حاجات منحبها
عبدالرحمن شعيب١٧ أكتوبر ٢٠٢٠
This article is also available in   Switch Language

أكثر٥ حاجات شهرت مصر في لعالم

رأيكن إيه؟


١. الأهرامات:


الأهرامات هي اول كلمة بتيجي في بال اي حد يسمع اسم مصر, كواحدة من عجائب الدنيا السبع تعتبر الأهرامات هي اهم و أغلي المعالم ال بتتميز بيها مصر و بالحديد الجيزة. الأهرامات هي حرفيا أول مكان تفكر في زيارته اول ما تيجي مصر, المواصلات للهرم اسهل ما يكون و بمجرد ما تسأل عن الطريق فلا هتلاقي الف من يدلك, ولو انت خلاص قررت انك تزور الهرم يبقي لازم تعمل حسابك علي ركوب خيل من نزلة السمان واكيد متنساش تتفرج علي الغروب وانت بتشرب شاي البدو ال علي الفحم, واحسن حاجة في الموضوع انه مش مكلف و فعلا هتستمتع أوي.



٢. الملك توت عنخ امون:


توت عنخ امون واحد من الفراعنة المصريين و هو الفرعون الأكثر شهرة في العالم بسبب اكتشاف مقبرته كاملة بدون اي سرقة في وادي الملوك سنة 1992, اكثر حاجة شهرت الملك توت هي قصة وفاتة او قتله الدرامية و زواج وزيره من ارملته.سهل جداا انك تروح تشوف مقبرة الملك في وادي الملوك و املاكه و مقابر اخري.



٣.الفول:



الوجبة المصرية الأشهر في اي مكان هي الفول, معظم الأجانب اما يسمعوا ان في أكل مصري أول حاجة بتيجي في دماغهم هي الفول, ده غير انه أكثر طبق منتشر في مصر وبياكلوه كل طبقات المجتمع المصري من غني ل فقير و فعلا ده اكثر حاجه بتفرق في منافسة المطاعم المتخصصة في الفطار. الفول بيتعمل في مصر بألف و ألف طريقة و في أماكن بيتسمي الفول بتاعها ب اسمها زي الفول الاسكندراني. فول أرابيتا هو بالنسبالي ك رأي شخصي هو أحسن طبق فول ممكن تاكله.



٤. مكتبة الاسكندرية الحديثة:



واحدة من اكبر المكاتب في العالم و في افريقيا خصوصا بعد ما اتجددت و اتغير مكانها بالاشتراك مع الامم المتحده لاعادة بناء المكتبة القديمة مرة أخري, مكتبة الاسكندرية بها حوالي 2 مليون كتاب و تعتبر رابع اكبر مكتبة فرنكفونية في العالم و فيها سبع مكاتب متخصصة و اربع متاحف و 15 معرض غير طبعاا مركز القبة السماوي.



٥. محمد صلاح:



اشهر لاعب كرة عربي في العالم اللاعب محمد صلاح, شهرته قدرت تحط مصر علي خريطة العالم من بشكل جديد, محمد صلاح هو لاعب كرة قدم في نادي ليفربول في الدوري الانجليزي حقق نجاح كبير جداا في فترة قصيرة وقدر يثبت نفسه كواحد من احسن اللاعبين في العالم و هو حالياا متصنف كأفضل لاعب في أفريقيا, محمد صلاح قدر يحصل علي العديد من الألقاب ال منها “فخر العرب”.

مقالات ذات صلة