حاجات منحبها
عوض صليب١٦ أكتوبر ٢٠٢٠
This article is also available in   Switch Language

جعان؟ اعرف أحسن تطبيقات الديلفري في القاهرة

استخدام تطبيقات توصيل الأكل مش مجرد اختيار للكسلانين أو اللي مش عايز ينتظر على تليفون المطعم كتير علشان يعمل أوردر، لكنه كمان وسيلة كويسة للتوفير لأن المنافسة بين التطبيقات دي بتخليهم يدوا خصومات وعروض كتير للعملا بتوعهم.

١ . اطلب

اطلب من أقدم المواقع اللي بتقدم خدمة توصيل الأكل، والأبلييكشن بتاعهم تقدر تنزله من جوجل بلاي للأندرويد وتقييمه 4.4 من بين أكتر من 59 ألف ريفيو، أو الآب ستور للآيفون وتقييمه هناك 3.9 من 4600 تقييم.

متاح الدفع كاش أو أونلاين عن طريق الكروت البنكية لبعض المطاعم، وأوقات بيبعت كوبونات خصم للمشتركين.

٢ . أكلني

أكلني متاح كموقع أونلاين أو للتحميل من جوجل بلاي، وحوالي 2900 قيموا الأبليكيشن اللي أخد متوسط تقييم 4.4، وكمان تقدر تلاقيه على الآي تيونز وهناك تقييمه 4.2 من 88 تقييم.

أكلني بيقدم عروض وخصومات حصرية على التطبيق بتوصل لـ60% أحيانا.

٣ . المنيوز

المنيوز من المواقع القديمة اللي بتوفر خدمة عرض منيوهات المطاعم، وتقدر تطلب عن طريقه، أو تنزل الأبليكيشن للاندرويد من هنا وتقييمه 4.4 من 5150 داونلود. وممكن تنزله للآيفون من هنا وتقييمه 4.2 من 524 ريفيو.

المنيوز بيدي خصم 50% على أول أوردر تعمله عن طريقه بحد أقصة 50 جنيه.

٤ . جلوفو

جلوفو من التطبيقات الجديدة في السوق المصري لكنه من أسرع التطبيقات في توصيل الأكل لأنه ببساطة مش بيبعت الأوردر للمطعم لكنه بيبعت المندوب فبيوصلك في وقت قياسي وبسعر توصيل أقل من المطعم. وكمان هو بيقدم خدم توصيل أي شيء حتى ميدالية مفاتيحك لو نسيتها في مكان هيجيبهالك!

ممكن تحمل التطبيق للأندرويد من هنا وتقييمه على البلاي ستور 3.6 من بين تقييمات حوالي 88 ألف مستخدم، ومتاح للآي فون من هنا بتقييم 4.7 من بين حوالي شخص 8400 شخص قيمو.

مقالات ذات صلة