أكل وشرب
عوض صليب٣٠ أغسطس ٢٠٢٠
This article is also available in   Switch Language

لو إنت برغرجي، المطاعم دي حتعجبك أوي

علشان تلاقي مطعم بيعمل برجر بمزاج من غير خلطات كتير تغير طعم اللحمة فدي مسألة مش سهلة، علشان أغلب محلات الوجبات السريعة المشهورة بتحاول تقلل السعر علشان تعمل سندوتش رخيص نسبيا فبتيجي على الجودة، فاحنا هنا بنسهل على أكيلة البرجر وجبنالهم أفضل مطاعم بتعمل برجر في القاهرة.


Butcher’s Burger



بوتشرز برجر له 8 فروع في القاهرة موزعة بين الزمالك والشيخ زايد والعجوزة والقاهرة الجديدة. أفضل سندوتش عندهم اسمه بوتشرز جوسي جوسي وده عبارة عن حتتين برجر مع جبنة شيدر حمرا سايحة وشيلي كورن كارني (لحم مفروم معصج بطريقة مكسيكي) ومخلل وخس ومايونيز. وكمان عندهم ستيك وفراخ وأصناف للفطار ومنيو أطفال ومشروبات.




Mince Burgers



مينس ليهم 8 فروع في الزمالك وهليوبوليس والشيخ زايد وأكتوبر ومصر الجديدة والقاهرة الجديدة. وأفضل السندوتشات عندهم جوسي لوسي وبربيكيو سبيشيال وده فيه بصل مكرمل مع بيف بيكون وجبنة أمريكية وخس وبصل وطماطم ومخلل وصوص باربيكيو مع صوص مينس الخاص. وكمان عندهم هوت دوج وحلو ومشروبات.




Fuddruckers



فدركرز ليه 5 فروع في المهندسين وأكتوبر والمعادي ومدينة نصر والقاهرة الجديدة، ومن أحسن سندوتشاتهم ذا روكس وده عبارة عن برجر مشوي مع بيكون بقري مدخن ومشروم سوتيه وجبنة شيدر مع خس وطماطم، وكمان عندهم إمكانية إنك تحدد مكونات السندوتش على مزاجك، وعندهم سندوتشات مأكولات بحرية وفراخ وستيك وشوربة وسلطات.




Willy’s Kitchen



ويليز موجود في 6 فروع في المعادي والدقي ومصر الجديدة ومدينة نصر والتجمع الخامس والشيخ زايد. ومن الحاجات المميزة عنده منيو الناتشوز وده فيه برجر بالناتشوز (عيش مكسيسكي مقلي) وبرجر مع ناتشوز وصوص بيتزا، وفي سندوتش البلو ريبون وده برجر مع بصل مطبوخ بدبس الرمان مع جبنة أمريكي وصوص الريكفورد. وكمان في منيو للحلو والمشروبات.



مقالات ذات صلة