مشاريع
مها محمد٢٤ يوليو ٢٠٢٠
This article is also available in   Switch Language

أجمل ٣ متاحف ممكن تزورها في أسوان

أسوان الجميلة…هي المكان اللي من ساعة ما تدخله هتحس وبطريقة لا ارادية انك في مكان مريح..بسيط..مليان بكنوز بتخلد ايام وذكريات وتراث عظيم. من هنا جاءت فكرة المتاحف عموما…وهي انك تحافظ علي الكنوز دي لأطول وقت ممكن في مناخ بيوفر لعموم الناس زيارة المكان والتعرف علي تاريخ اسوان عن قرب.


رحلة النهارده عن أجمل متاحف ممكن تزورها في أسوان.


متحف النوبة



تم إنشاء المتحف عام حيث بيقع علي ربوة عالية ,حيث جاءت فكرة انشاءه أثناء الحملة الدولية لانقاذ اثار النوبة واللي كانت بترعاها منظمة اليونسكو في الوقت ده. تصميم المتحف مبني علي الطراز المعماري النوبي واللي استوحاه المصممون من المقابر الفرعونية..كمان المتحف عام 2001 حصل علي جائزة أجمل مبني معماري في العالم



بالنسبة لتقسيمة المتحف من الداخل فهو عبارة عن 3 طوابق يحتوي على 5 آلاف قطعة أثرية اللي بتوضحلك مراحل تطور الحضارة. والتراث النوبي ومن أشهر القطع الاثرية الموجودة هناك هي هيكل عظمي لإنسان عمره 20 ألف سنة عُثر عليه سنة 1982 في منطقة الكوبانية بأسوان



كمان العرض الخارجي للمتحف بيحتوي علي 86 قطعة فريدة من التماثيل الكبيرة واللوحات الأثرية مختلفة الأحجام, كمان هتلاقي عرض ماكيتات للحياة اليومية في النوبة قديما



متحف النيل



بداية العمل فى المتحف كانت عام 2004، وتم افتتاحه في 10 يناير 2016 بالتزامن مع عيد أسوان القومي وذكرى تحويل مجرى النيل لبناء السد العالي.


تم إنشائه على الطراز النوبي السوداني ، وبيتكون من 3 طوابق، حيث يضم مجموعة من الصور والمعروضات المتخلفة وحوالي 250 قطعة أثرية اللي بتحكى عن تاريخ النيل وكمان توثيق كامل لمراحل إنشاء خزان أسوان و السد العالي بالإضافة إلى تخليد الشهداء اللي سقطوا خلال مراحل بناء السد العالي



متحف أسوان أو متحف جزيرة الفنتين



في الأصل كان المتحف هو فيلا للمهندس وليام ولكوكس واللي كان بيعتبر كبير مهندسي خزان اسوان عام 1898



في عام 1912 وبعد الانتهاء من اعمال مشروع الخزان تم تحويله الي متحف حيث تم افتتاحه عام 1917 ليضم آثار منطقة النوبة اللي تم العثور عليها قبل وبعد إنشاء خزان أسوان وكمان بعض من الأثار الخاصة بجزيرة إلفنتين وقد انضم حوالي 670 قطعة اثرية عام 1993 متنوعة بين عصر الدولة القديمة والحقبة القبطية حتى العصر الروماني. يتكون المتحف من ساحة عرض كبيرة بها 4 قاعات و مخزن لحفظ الاثار ولأعمال الترميم والصيانة

مقالات ذات صلة