مشاريع
مطاعم تنفع ل morning dates في القاهرة
في أماكن كتير في مصر مناسبة لخروجات الصبح.. لكن في مطاعم مميزة جدًا إنها تبقى morning dates مختلفة ولطيفة.
Swiss Restaurants – Le Chantilly
لو عايز مكان هادي ورومانسي.. وكمان ليه طابع كلاسيك قديم.. فلو شانتي يعتبر أحسن اختيار لده.. هتلاقي جزء مقفول ومكان مفتوح جميل جدًا.. غالبًا عمرك ما هتلاقي دوشة جوا المطعم.. وأغلب اللي بيقعدوا فيه الصبح تحسهم جزء أصيل من المكان ومعظمهم بيبقوا كبار في السن، كمان هتاكل فطار سويسري جميل.
المكان هتلاقيه في 11 شارع بغداد في الكوربة.
المعادي الصبح أصلًا بالشجر والمناظر الجميلة تنفع جدًا كمكان رومانسي وفي شارع 9 هتلاقي مطاعم كتير القاعدة فيها شيك وتنفع ل date .. لكن واحد من أحسن المطاعم اللي تنفع كmorning dates لوسيلز.. القاعدة فيه الصبح بتبقى مريحة جدًا وكمان الفطار عندهم خفيف وجميل.
54 ش 9 في المعادي
لو عايز جنب الفطار الخفيف المختلف جدًا تقعد في مكان ديكوراته مختلفة ولايقة جدًا على فطار رومانسي خفيف.. فبيازيني هو المكان ده، مطعم إيطالي ديكوراته هادية جدًا وفيها تفاصيل لطيفة، وكمان هتستمتع جدًا بالفطار هناك، ويعتبر مكان مثالي ل Morning date.
224 خلف فندق دوسيت.. التجمع الخامس
“جروبي” هو المكان الأساسي في مصر لأي خروجة رومانسية من سنين كتير جدًا، وعلى الرغم من كل السنين اللي عدت لكنه يفضل مكان مثالي لل dates وخاصة بقى الmorning dates ، عشان الجزء المفتوح هناك بالجنينة الموجودة هيفتح نفسك عالفطار بشكل كبير وعالحياة عمومًا وهتستمتع بقاعدة لطيفة وخفيفة وكلاسيكية جدًا.
موجود في 46 شارع عبد الخالق ثروت.