مشاريع
أرخص ٦ أماكن ممكن تجيب منها كتب في مصر
لكل الناس اللي بتحب القراءة وبتدور علي مصادر لأماكن تقدر تجيب منها كتب بمختلف أنواعها..في أماكن كتير في مصر بتوفر لك الكتب دي اللي بتدور عليها..ومش بس كده، لأ كمان سعرها رخيص وفي متناول الجميع.
وفي المقالة دي هنتكلم عن أشهر أماكن تقدر تشتري منها الكتب اللي تحتاجها وفي أي وقت..
بيعتبر من أشهر الأماكن في مصر اللي بتبيع كتب بسعر مغري ورخيص..وهتلاقي فيه كل اللي بتدور عليه لأنه فيه أكتر من 100 مكتبة صغيرة، تقدر تعدي عليها وتتطلع علي الكتب الموجودة عندهم. مكانه كمان ميتوهش..هتركب المترو وتنزل محطة العتبة..هتوصل لحد مسرح العرائس هتلاقي سور الأزبكية قدامه.
الأماكن اللي فيها كتب وبسعر كويس مش موجودة في القاهرة بس ..كمان أسكندرية. وشارع الني دانيال بالذات مليان أكشاك ومكتبات صغيرة برضه جنب بعض عشان تتفرج وتختار براحتك. موجود فيها كل الأنواع والأشكال من المجالات القديمة والمراجع والكتب القديمة والجديدة وكمان متوافر كتب للأطفال.
من خلال أي فرع من فروع الهيئة العامة للكتاب تقدر تشتري أي نوع من الكتب المناسبة لك اللتي بتتنوع بين الأدب والشعر والروايات وغيرها. وفي كمان ميزة حلوة أن من وقت للتاني الهيئة بتعمل خصومات علي مجموعة من الأصدارات لأزم تتابعوها.
السور هتلاقيه علي بعد خطوات وأنت نازل من محطة السيدة زينب لو راكب المترو. يمكن المكان ليه شعبية أقل شويه من سور الأزبكية بس هتلاقي فيه تنوع دسم من الكتب. هتلاقي كمان كتاب للمدارس وكتب مستعملة كمان بجانب الجديد.
بتقدم الهيئة مجموعة من الأصدارات بأسعار رمزية في منتناول الجميع واللي من أهمها ” سلسلة الأبداع العربي” للأعمال الأدبية. وأيضا سلسلة أخري لأصحاب الترجمة.
أو أزبكية المعادي..وهي تعتبر من أجدد الأماكن اللي أتكلمنا عنها في السابق. وهي متخصصة في الكتب المستعملة في مختلف المجالات واللي حققت صدي كبير مع الجمهور علي أرض الواقع مع بدايتها. أسعارها ممتازة والكتب اللي موجودة لكل الفئات وبيعملوا كمان خصومات هايلة.