أكل وشرب
أحسن أماكن تجيب منهم كعك العيد وكله أون لاين
هو العيد ايه غير شوية كحك مع شاي بلبن مع مسرحية العيال كبرت وشوية حاجات فوق بعض.
وعشان اقعدتنا في البيت شكلها هطول، وكورونا هخلينا نعيد في الصالة برده، لو افترضنا أننا كنا بنعيد في حتة تانية، فأحنا جيبنلك أحسن أماكن تجيب منهم كحك العيد، وكله هيجيلك لغاية باب البيت.
العبد تقريبًا جزء من تاريخ مصر، وكل سنة حريص أن يفرحنا في العيد بالكحك بتاعه بكل أنواعه، من سادة ومحشي وملبن وكله.
والسنة دي عشان صحة الناس اللي شغالة هناك وكمان صحتك وفر خدمة التوصيل لحد باب البيت في كل القاهرة.
كل اللي عليك أنك هتتصل بالرقم دا 16437، أو من خلال ابلكشين على موقع أطلب أو المنيوز والتوصيل متاح على مدار اليوم طول أيام الأسبوع.
من أشهر الحلواني اللي تقدر تجيب منه كحك وأنت مطمن، عشان هو تاريخه الحقيقة يشهدله.
السنة دي برده تقدر تطلب الكحك والبوتيفور وكل اللي بتحلم بيه من الرقم ١٩٩١٨، أو هتلاقيها في كارفور و مترو ماركت و رويال هاوس، يعني متشليش هم أي مشوار كل حاجة حواليك ولحد باب بيتك.
ساليه سوكريه السنة دي طول رمضان بيهبرنا باختراعات عالمية من تري ليتشي شوية، وكنافة لو روشيه شوية، ورز لبن دولسي دي ليتشى شوية، وأكيد الانبهارات في العيد مش هتقف عند كده.
كحك ساليه سوكريه كل سنة يبقى أحلى من اللي قبلها، وبرده تقدر تطلبه لحد باب البيت من خلال أرقام الفروع وهو هيوصلك لأقرب فرع ليك.
أحلى كحك هتأكله في حياتك لازم يبقى من كوبر ملت، صحيح هو غالي شوية بس يستاهل جدًا.
كوبر ملت وفرلك برده امكانية أنه يوصلك في أي مكان جوا القاهرة، ابعتلهم على صفحة الفيس عشان يبعتلك أقرب فرع ليك.
كل سنة وأنتوا طيبين!