مدونة
تطبيق فيكساوي عمل خدمة فيديو تعلمك ازاي تصلح الأعطال المنزلية بنفسك
أعلن تطبيق فيكساوي عن إطلاق خدمة جديدة تفيد المجتمع وتشجع المواطنين على الالتزام بالحجر المنزلي والبعد الاجتماعي.
والخدمة دي بتستخدم الفيديو كطريقة تواصل بين العملاء والفنيين، علشان يتعلموا فيها عن طريقة التصليح في حال وجود أي اعطال منزلية.
العميل بيعمل مكالمة فيديو مع الفني اللي بيشرحله طريقة التصليح في ٤ مجالات مختلفة: الكهرباء، السباكة، صيانة التكييف وصيانة الدش.
أما في الحالات الطارئة، بييجي الفني لحد عندك، بس على شرط انك تكون نظفت البيت وعقمته.
الخدمة مجانية لمدة شهر، ف إستفيدوا منها دلوقتي حالاً!