أكل وشرب
أحسن 5 أماكن بتعمل مولتون كيك في القاهرة
عشان نبقى على نور من الأول، هذا الموضوع لا يصلح لبتوع الدايت والهليثي استايل.
هذا الموضوع مناسب جدًا لعشاق الشيكولاتة ولمحبي اللغوسة، دا عشان احنا جابينلك أحسن 5 أماكن تأكل فيهم مولتون كيك في القاهرة، يعني يا جمال انفجارات الشيكولاتة وهى بتسيح من جو الكيك دون رحمة.
نخش في الموضوع على طول:
دا ممكن نقول عليه محل البهجة، من ديزين لاقاعدة رايقة، لمولتون كيك حكاية.
المكان بدأ من اسكندرية وتوغل في مناطق كتير في القاهرة، من المعادي، والتجمع الخامس.
أنت بس هتحط الشوكة جوا الكيك واستعد لنفورة الشيكولاتة اللي مش هتلاحق عليها.
هما كمان بينظموا حفلات أعياد ميلاد وأي مناسبة لطيفة وهيظبطولك المنيو عشان كل حبايبك ينبسطوا.
يعني أجود أنواع الشيكولاتة في العالم، وهي الشيكولاتة البلجيكي.
عنده شوية اختراعات هتحتاج بعدها تجري بتاع 7 كيلو، بس مش مهم كل يهون عشان عيون الشيكولاتة الرائعة دي.
هو الحقيقة معندهمش حاجة مش حلوة، واحنا محتارين نرشحلك إيه ولا ايه، بس لو أنت مصر على المولتون، يبقى دوس في المولتون، لو روحت هناك وبتشاور عقلك، يبقى مانتي كريب لازم يكون أول اختيارتك، واوعدك هتبقى عضو دائم في نادي محبي ديب أند ديب.
ديب أن ديب موجود في كايرو فيستفال، والشيخ زايد، ومول مصر، ومصر الجديدة، دا كمان فتح في اسكندرية.
من الأماكن الممتازة الصراحة برده في موضوع الشيكولاته برده، والحلو كمان أن عندهم أكل، يعني هتروح تتغدى وتضرب الحلو بعديها، وتبقى برنس زمانك.
بجانب المولتون، عندهم بان كيك شيكولاتة رائع برده الحقيقة لازم تجربه.
موجود في المعادي والتجمع والشيخ زايد.
المولتون هناك اسمه Chocolate Fondant وهى من أكتر الحاجات اللي بتطلب هناك، وأكتر حاجة كمان واخده ريفو عالي، ودا أكيد بيعكس جودتها وجمالها.
المكان موجود في كل مصر تقريبًا من القاهرة الجديدة، للمعادي والزمالك، وأكتوبر وزايد.
وختامها مسك بقي مع Ted’s ودا مكان للناس المزاج بقي، هو مطعم وبيقدم حلويات كلها جامدة ماحدش اختلاف على طعمتها.
وأهم حاجة المولتون كيك أو Chocolate soufflé لازم تدوقها، المكان كمان حلو أوي مناسب للصحاب والعائلات.
موجود في التجمع الخامس ومدينة نصر وأكتوبر وكمان مصر الجديدة.