أحلى 5 أماكن تأكل فيها مشويات فى إسكندرية

ممكن تأكل أطباق مشوية زى الكفتة والكباب أو حتي المشكل فى مكان معين وتروح مكان تانى خالص وتلاقى نفس الأكل بس الطعم مختلف وحلو في نفس الوقت، طب إيه الفرق بين الأتنين؟

التتبيلة طبعًا بتفرق، بالإضافة إلى الخدمة المتميزة وطريقة التقديم والتحضير بشكل عام للأكل سواء كنت فى مطعم أو مكان ذو طابع بدوى. كلها اجواء وعوامل نفسية بتخليك تقرر هل عايز تجرب تزور المكان أكتر من مرة ولا لأ. والنهارده هنتكلم معاكم عن أهم الأماكن الموجودة فى الإسكندرية واللى ممكن من خلالها تستمتع بتجربة مجموعة متميزة من الأطباق المشوية المشكلة والسلطات المتعددة.

1. مشويات جيمى:

لما الإنطباع الأول يكون حلو عن مكان معين، مش هتبطل تروحه أكيد. وده بالضبط الإنطباع اللى هتأخده عن زيارتك لأى فرع من فروع جيمي للمشويات. المطعم طول الوقت سمعته الطيبة بتسبقه سواء فى الطعم أو الخدمة المميزة. أوعى تفَوت ساندوتشات السجق الإسكندرانى والكفتة من عنده.

2. قرية بلبع للمشويات:

تأسست قرية بلبع للمشويات عام 1980.

القرية بتهتم بتقديم أجود أنواع المشويات من خلال المزارع الخاصة بالقرية بالإضافة إلي الأسماك والمأكولات البحرية والطواجن بشكل عام.

القرية بتقدم خدمة التوصيل عن طريق الرقم المُختصر: 16941.

فروع بلبع للمشويات: فرع سيدى بشر: 154 ش ملك حفنى – سيدى بشر، الاسكندرية بجوار محطة قطار سيدى بشر, فرع الدون تاون: 6 شارع طريق الاسكندرية القاهرة الصحراوى، الاسكندرية.

3. قرية هانى للمشويات:

قرية هانى، يعنى هتلاقي طعم المندى والمشويات ليها شكل تانى. في القرية مش بس هتستمتع بالأكل اللذيذ، لأ كمان هتلاقى مكان للأطفال يقدروا يلعبوا ويستمتعوا فيه. كمان هتلاقي أحلي شاى زردة معمول على الطريقة البدوية. فرع قرية هانى: الكيلو 30 – طريق إسكندرية القاهرة الصحراوي، العامرية – أمام ماكدونالدز.

4. قرية عكنش للمشويات:

قرية عكنش، الطعم الأصلى للأكل البدوي. هتلاقى أشهى وأحلى الطواجن والمأكولات البدوية والشرقية، وكذلك الخليجية. القرية بتكون على استعداد تام لتجهيز كافة العزائم والولائم.

القرية لها فرع واحد فقط: الكينج مريوط، امام الاستاد بوابه رقم 7 – تليفون 01208881883

5. واحة خطاب للمأكولات البدوية والمشويات:

يعتبر من أكثر الأماكن تميزًا فى تقديم المشويات والمأكولات البدوية والمندي. هنلاقي كمان الواحة بتقدم كل الوسائل الترفيهية من ألعاب وملاهى وحمام سباحة ومسرح للحيوانات.

فروع الإسكندرية: بجوار صينية مطار برج العرب بالأسكندرية, سيتي سنتر، كارفور “فرع الداون تاون”