أكل وشرب
مها مصطفى٢٨ فبراير ٢٠٢٠
This article is also available in   Switch Language

أحلى 5 أماكن تأكل فيها شاورما في الأسكندرية

المقال ده لكل عشاق الشاورما.


الشاورما أصلها بيرجع للدولة العثمانية، فكلمة شاورما تعني باللغة التركية الدوران، نتيجة لدوران السيخ حول النار.


فهي عبارة عن لحم سواء كان بقرى، أو دجاج يوُضع بطريقة مرصوصة على سيخ معدنى، ثم يتم إيقافه بصورة عمودية بجانب النار من جهة واحدة ويدور سيخ اللحم لينال نصيبه من موُقد النار وحرارته.


انتشرت في الفترة الآخيرة العديد من المطاعم والمحال المتخصصة في صناعة الشاورما أو الأكل السوري أو التركي عمومًا، والنهارده اخترنا ليكم أحلى 5 أماكن فى إسكندرية ممكن تجربوا منها الشاورما:



١. السلطان أيوب:



السلطان أيوب يعني أصل الطعم للشاورما في إسكندرية، على طول زحمة ما شاء الله وفي كل الأوقات علشان لو الأوردر اتأخر شويه إعذرهم.


السلطان أيوب له فرعين في الإسكندرية لحد دلوقتي:

– 362 ش الجيش – جليم

– داخل مول سان ستيفانو، بمساحة الـ food court – سان ستيفانو


السلطان أيوب دلوقتى عمل أبلكيشن علشان تقدر تطلب الأوردر التي تحبه بكل سهولة.



٢. طربوش:



طربوش تأسس عام 1985.


مطاعم طربوش كمان بتقدم أفضل الأطباق الشرقية المميزة والمشويات مش بس الشاورما، بس الشورما عندهم سواء كانت لحمة أو فراخ فهي لها طعم مميز جدًا.



٣. مطعم فيروز:



فيروز.. أصل الأكل عربى.


هتلاقي هناك كل ما تشتهي الأنفس من ساندوتشات متنوعة من أول الفلافل والبطاطس لحد الجمبرى و البانيه، ده غير الوجبات اللي ممكن تكفي أكثر من شخص، كمان تقدر تآكل فى صالة المطعم أو تطلب تيك أوي.


كمان مينفعش ننسى المناقيش الخطيرة على كل شكل ولون.


فرع محطة الرمل : 49 شارع صفية زغلول – محطة الرمل (تقاطع السلطان حسين مع صفية زغلول ) أو الأتصال علي الفرع من خلال: 034833306


الخط الساخن : 01200008568




٤. مطعم ما ورد:



ماورد من ( ماء الورد )، وده لأن ماء الورد بيُستخدم بشكل أساسي في معظم الأكلات السورية.


مطعم ماورد في وقت قليل من تاريخ إنشائه قدر يكسب ثقة كتير من الناس من خلال أكله الحلو والمميز.


هتلاقي عنده كل حاجة تقريبًا من أول المناقيش والمخبوزات السورية للفطار لحد الوجبات الساخنة اللذيذة والبيتزا اللى بتجمع كل العيلة.


3 فروع مطعم ماورد بالإسكندرية:

– 16 نادي الأولومبي، وابور المياه، محرم بك

– ٢١ شارع صلاح سالم، ٩ شارع سيزوستريس – بجانب سيتي كافيه – محطة الرمل

– داخل مول سان ستيفانو، بمساحة الـ food court – سان ستيفانو




٥. أبو فارس السورى:



أبو فارس يعنى العشق اللى بجد، يعنى تأكل هناك وأنت مطمن.


على طول بيعملوا خصومات حلوة على الوجبات، يلا مستنى إيه!.


كان من أوائل الناس اللى بدأت تقدم الأكل السورى اللي علي أصله قبل انتشار وزحمة المطاعم المتخصصة فى الشاورما في الإسكندرية.


عنده كنافة على الفحم، تأكل صوابعك وراها.