أكل وشرب
رحمة علي

4 أماكن تأكل فيهم كبده جامدة ونضيفة في القاهرة

يا سلام على شوية كبده في سندوتش عيش فينو مع قرن شطرة، معاهم بقي شوية طحينة.


لا.. دا احنا نقوم نأكل بقى.


مش أي كبده تتنفع تتأكل، بس احنا دايما بنجبلكوا المميز النضيف والآمن اللي ينفع تروحوا تأكلوا وتنبسطو وانتوا مطمنين 100%.


والمرة دي جيه وحش أكل الشوارع المصري اللي على حق، كبده.



عز المنوفي



هو مبدأئيًا كده مينفعش تكون مصري ولسه مروحتيش عز المنوفي، أشهر وأحلى واطعم كبده ممكن تأكلها في حياتك، ودا واضح أن فروعه دايمًا زحمة جدًا، وممكن تطلب الأوردر وتستناه بتاع ساعتين مثلا، بس كله يهون عشان شوية الكبده المحمرقين اللي هينسوك أي وقفة وأي زحمة.

عز المنوفي عنده كبده وسجق سواء اسكندراني أو شرقي، وعايز بقى شوية حلو يبقي لازم تطلب سندوتش سكلانس.

السندوتش ب9 جنيه، وتقريبا فاتح في مصر كلها من الدقي للمعادي والتجمع وكمان أكتوبر.



كبده الكيف



لو الإسكندرانية عندهم كبده الفلاح، فاحنا عندنا كبده الكيف برده.

كبده الكيف بيقدم كبده اسكندراني شغل فنادق، كما هما مميزين في ديزين المكان، فهو اقاعدته مناسبة جدًا للملة الحلوة.

كمان هما ميزين بعروضهم اللي مش بتخلص، زي احنا اخر جمعة من كل شهر بيعملوا الأكل ببلاش، دا غير أن في عيد ميلاد المحل بيعمل وجبات مجانية وبوفيه مفتوح للناس اللي عيد ميلادها في نفس اليوم.

كبده الكيف فاتح في المعادي ومدينة نصر، وحتى وصل لطنطا والساحل الشمالي.

وأسعار السندوتشات ب8 جنيه.



شوية كبده



اختيار تالت ممكن تضيفيه لقائمة الأماكن اللي لازم تروحها لو ليك في الكبده والسجق.

المطعم كمان بيقدم سندوتشات جانبية جنب الكبده زي حواوشي بتكاته وحركاته الجامدة، وبطاطس وبرجر وشاورما.

اللي شدنا في المكان الصراحة هي المنيو، عشان هي مش شبه أي منيو شوفنها، ألوانها وطريقة العرض مميز جدًا، فشابوه للمكان واللي فكر أنه يقدمها بالشكل دا.

الكبده عندهم ب9 جنيه، وهما موجودين في المعادي في ميدان الحرية.



It’s Kebda



لسه مكملين في أكل العشوائي اللي احنا المصريين بنعشقه دا، وروحنا المرة دي لغاية روكسي، عشان نشوف قصة It’s Kebda اللي قالب الدنيا دا، والحقيقة هو يستاهل يقلبها.

هما رافعين شعار كبده للجميع، أه والله، دا عشان السندوتش عندهم ب3 جنيه.

بس للأمانة وعشان تبقى مطمن، هما كل شوية يوضحوا على صفحتهم ازاي بيكسبوا رغم سعر السندوتش القليل دا، وأنهم بيضمنولك أكل نضيف ولذيذ.

هقولك على التقلية، دول كمان ممكن تتواصل معاهم على الواتس أب ويقولك طريقة الكبده اللي بيعملوها عشان تطلع بالطعم التحفة دا.

It’s Kebda موجود كمان في وسط البلد والدقي.



لو ليك في أكل المصري الأصيل قولنا كلت كبده أخر مرة فين قبل كده؟