أكل وشرب
لعشاق الجبنة.. 4 أماكن تأكل فيهم أي حاجة متغرقة جبنة
احنا كمصريين بنقدر الأكل أوي، واما تيجي عند الجبنة فياروح ما بعدك روح.
والفترة الأخيرة محلات كتير فتحت بتنتهج أسلوب نافورات الجبنة في كل حاجة وأي حاجة، بس عشان تعيش تجربة تستحق المشوار وفلوسك جبنالك الخلاصة، احسن 4 أماكن تأكل فيهم طاسات جبنة معتبرة.
الجبنة الصح اللي معمولة بمزاج، هتخليك مش فاهم انت فين ومين وايه من حلاوتها.
أطباقهم متفهمش هي شرقي ولا ايطالي ولا فرنسي، ولو حاولت تفكر برده مش هتفهم، لأنها ميكس عظيم حقيقي.
الخدمة هناك كمان مميزة جدًا، والاستاف كله ناس هتبسطك وتروق عليك.
المكان كمان مناسب للفطار الصبح، وليه اقاعدة أوت دور مناسبة للصحاب واللمة الحلوة.
هو موجود في التجمع شارع التسعين.
هو من محلات اللي بتقدم طاسات جبنة مختلفة ولذيذة جدًا واثبتت دا خلال فترة قصيرة، ففتح تقريبًا في القاهرة كلها، دا حتى وصل لطنطا.
أجمد الأطباق عنده هو تشكين كرسبي اللي عايمة في جبنة سايحة وهمية، ولعشاق السجق هما عندهم طاسة سجق، وكمان مكرونة بالسجق، الاتنين خطيرين جدًا.
عندهم كمان البيسيسي بنظام الrefill يعني هتدفع مرة واحدة وتفضل تملى فيها لغاية ما تقول يا بس، ولو مقولتش كمل كام كوبية.
دسوقى كمان بيقدم اختراع حاجة حلوة كده هتأكله وتطير بعده من حلاوته اسمه باتر ويتش، يعني تشيز كيك بقي على بسكويت على ايس كريم، عذاب حقيقي.. لازم تجربه.
احنا متعودين من المعادي على كل حاجة حلوة والله، وكان لازم يبقي ليها وجود قوي في عالم التشيز الراقية، ودا هتلاقيه في مطعم خلطة BITA اللي موجود في المعادي الجديدة.
الديزين بتاع المحل حلو جدًا، واطباقه وطاسته ميقلش حلاوة أبدًا، يعني روح وانت مطمن.
عندهم كمان سندوتشات وطاسات مكرونة بالجبنة اللي بتشد معاك دي، وكمان شوية حواوشي سكندراني هيفرح قبلك.
من الآخر لازم تاخد صحابك الأكيلة الجامدين وتطلعوا على خلطة BITA في أقرب وقت.
ودا رافع شعار حلاوته في جبتها، وهو حقيقي صادق جدا في الكلام دا.
الطاسات كلها عندهم معمولة بفن، يعني مش هتلاقي مكرونة طعهما بايت، ولا جبنة كواليتي مش قد كده، هما مركزين أوي في كل تفصيلة ودا اللي هتلمسه بنفسك.
اللي بيميزهم كمان المنيو كمان مختلف ومتنوع جدا فهتفضل محتار شوية تأكل ايه ولا ايه.
المكان موجود في مدينة نصر في عباس العقاد يعني ميتوهوش خالص.
وأنت قولنا بتفكر تجرب ايه الأول بعد الشغل النهارده؟