أكل وشرب
مها محمد٠٧ فبراير ٢٠٢٠
This article is also available in   Switch Language

6 كافيهات ومطاعم هتستمتع فيها بفيو البحر في الإسكندرية

أسكندرية يعني البحر وريحة اليود، والخروجة في أسكندرية يعني فيو حلو وأكلة كمان أحلى.


عشان كده هنأخدكم في جولة صغيرة النهاردة مع أحلي 6 كافيهات ومطاعم ممكن تستمتع فيها بفيو البحر مع أكلة حلوة متتنسيش.



1. كازينو الشاطبي



كازينو الشاطبي بيعتبر من أقدم الأماكن في الأسكندرية، وقد تم تجديده في فترة ليست ببعيدة ليصبح من أجمل الأماكن علي الأطلاق، يضم الكازينو العديد من الكافيهات والمطاعم التي تطل علي البحر مباشرة.


العنوان: منطقة الشاطبي، على البحر مباشرة.




2. بلو كافيه بالعجمي



بلو كافيه هو مطعم وكافيه قعدته بتطل على الشاطيء على طول، بالأضافة إلي أن بيتم فيه حفلات لايف وعروض راقصة من التراث الشرقي بشكل اسبوعي، ده غير كمان شاشات العرض والدي جي.

كمان منقدرش ننسي المنيو اللي بيضم العديد من الوجبات والأطباق المختلفة.


العنوان: بجوار شاطيء ميكا – العجمي – البيطاش.




3. 7 سكاي



من أهم مميزات الكافيه ده مش أنه بس بيطل علي البحر مباشرة، لأ كمان بيطل علي فيو قلعة قايتباي مباشرة.

في الكافيه هتستمتع بجميع المشروبات، والمأكولات المختلفة، بالإضافة لأطباق السوشي المميزة جداً هناك.


العنوان: رأس التين – قسم الجمرك.




4. الميناء الأزرق بمجموعة Paradise Inn



بلو هاربر هو كافية ومطعم هادي جداً ومريح للأعصاب، بيطل على البحر مباشرة والتصوير كمان بيكون مميز فيه جدًا.

بيقدم جميع المشروبات والمأكولات والأطباق المختلفة.


العنوان: ١٧ شارع الشهداء – متفرع من طريق الجيش – محطة الرمل – داخل فندق ويندسر بالاس.




5. لا سيرين بفندق سان جيوفاني



يقع المطعم والكافيه داخل فندق سان جيوفاني، الفيو الخاص بالمطعم بيطل على كوبري ستانلي يعني علي البحر مباشرة.

بيقدم جميع المشروبات والمأكولات من المطبخ الإيطالي بالإضافة لأطباق من المطاعم العالمية المختلفة.


العنوان: كوبري ستانلي – 205 شارع الجيش – داخل فندق سان جيوفاني.




6. كافيه ومطعم بورتوفينو



هو مطعم وكافية مميز جداً، من حيث الفيو المباشر علي البحر، بالأضافة إلي أن أسعاره معقولة وخدمته ممتازة.

كمان في ركن للبلاي ستيشن، علشان تتجمع أنت وأصحابك في مكان واحد وتلعبوا براحتكم.

بيقدم جميع المشروبات، المأكولات، الحلويات، والمأكولات المختلفة.


العنوان: فرع لوران ٤٤١ طريق الجيش – الكورنيش.



ودي كانت List صغيرة لأهم الأماكن الحلوة في أسكندرية واللي تقدر تستمع فيها مع عيلتك أو أصحابك في الويك أند بالفيو

الحلو علي البحر مباشرة بالأضافة إلي المأكولات اللذيذة.



مقالات ذات صلة