مشاريع
رحمة علي٠٤ فبراير ٢٠٢٠
This article is also available in   Switch Language

أجمل 4 فنادق في القاهرة تقدر تتعشى فيها

ساعات كتير بنبقي عايزين ندلع نفسنا بخروجة كلاسي كده، أما في مناسبات معينة زي عيد جواز أو عيد حب، أو حتى من غير سبب.

جبنالك أحسن 4 فنادق ممكن تتعشى فيهم في القاهرة عشان نفتكر ذكرياتنا الحلوة.



فندق كونكورد السلام



كونكورد السلام في مصر الجديدة عنده مجموعة متنوعة من المطاعم الممتازة حقيقي، إن كانت خدمة أو جودة الأكل، منها مطعم تستا روسا، ودا بيقدم أطباق متنوعة، واقعدته حلوة لو أصحاب وعايزين خروجة جديدة، بس لو أنتوا كابلز فبننصحكوا بمطعم ايطالينو خاصة بقي لو ليكوا في الأكل الإيطالي والباستا والبيتزا.




نايل مكسيم



هو مش فندق بمعنى فندق، ولكن هى باخرة في النيل في الزمالك، بتتبع إدارة فندق الماريوت تقدر تتعشى فيها وتستمع بأجواء مختلفة جدًا، عشان أنت هتتعشى وأنت بتتفرج على عروض فلكلورية ورقص شرقي.

كل اللي محتاجه أنك تحجز من قبلها، والرحلة بالعروض بتبدأ من 7 ل10 بليل، وفي رحلة متأخرة بتبدأ من 10 وتخلص 12.




فندق انتركونتينانتال القاهرة سميراميس



احنا بنرشحلك مطعم داي & نايت الموجود داخل الفندق في جاردن سيتي، دا عشان هو مطعم زي ما الكتاب بيقول، كل حاجة فيه صح، وهتقوم وأنت مبسوط ومش هتنسى الليلة دي أبدا.

هتلاقي هناك تقريبا كل الأكل بمختلف المطابخ الشرقية، من المشويات حتى الشوربة اللبنانية بكرات اللحم، أوقات كتير المطعم بيبقي أوبن بوفيه، واختار زي ما أنت عايز، وممكن كمان يبقي سيت منيو بالاتفاق عايز تاكل ايه ويجيلك لغاية عندك.

جوا الفندق كمان في مطعم ذا جريل، ودا لو عايز اقاعدة جميلة تحس أنك وسط النيل، المطعم بيقدم استيك لحمة بنكهات مختلفة حلوة جدًا، لو بتحتلف بمناسبة خاصة يبقي لازم تروح المطعم دا وأنت مغمض.




سوفيتيل الجزيرة



المطبخ المغربي يمكن من أفضل المطابخ العربية، ولو لسه مجربتوش يبقي فايتك كتير، فندق سوفيتيل الجزيرة في وسط البلد بيقدم أطباق مغربية عالمية، وسط أجواء من مراكش، وكمان لو روحت بليل يعني هتستمع بوجبة مثالية، وأجواء رومانسية جميلة وسط النيل والشموع.


وأنت جربت تتعشى في فندق جوا القاهرة.. قولنا تجربتك وكانت امتى؟

مقالات ذات صلة