أكل وشرب
أحسن 4 أماكن بتعمل جامبري في القاهرة
الجمبري مزاج، ومش أي حد يقدر يظبطلك مزاجكك. في ناس تحب الخلطة الشديدة، ناس بتحب الجمبري الجامبو اللي تأكله تشبع، وناس تانية ملهاش إلا في المقلي البسيط.
احنا بقى جربنا تقريبًا معظم محلات السمك في القاهرة الكبرى وضواحيها وجبنالك الخلاصة:
هو من ساعة ما فتح وهو قالب مدينة نصر، دا عشان بيقدم شوية أطباق جمبري مبتكرة ولذيذة جدًا، يعني هتخليك هتنور.
السندوتشات حكاية، هتفتكر في الأول أنها برجر، بس المفاجأة أنها كلها سمك وجمبري بشوية صوص جبار، دا غير أن جودة الأكل هناك حاجة فوق العال وطازة، عشان اللي أصحاب المحل من بلد الغريب.
حاليًا المحل موجود في مدينة نصر وبيوصل لمصر الجديدة، والمعادى، ومساكن شيراتون، والعباسية، وحدائق القبة، والنزهة الجديدة، ومدينتى، والمقطم، والتجمع الخامس، وكمان الرحاب، يعني مسبوش حتة في مصر تقريبا.
دا بقي مطعم كده على قديمو، بس اعمل حسابك أنك لو روحت في الويك أند غالبًا مش هتلاقي مكان، ابن حميدو دا الأصلي موجود في السيدة زينب في شارع بورسعيد، عنده شوية مأكولات بحرية هتحس أنها لسه طالعة من البحر حالًا.
ومتخافش الأسعار مش شديدة زي باقي مطاعم السمك، يعني هتأكل وجبة محترمة ومش هتدفع كتير، احنا جربنا عندهم الجمبري المقلي، والحقيقة كان جامد جدًا، عندهم كمان جمبري مشوي، وجندوفلي والحاجات اللي بتأزقزق وأنت مبسوط كده.
عارف يعني ايه مطعم متخصص بس في الجمبري، يعني من الآخر هيتروق عليك، عنده كل طريقة ممكن تتخيلها عشان تأكل الجمبري من مشوي ومقلي وصينية وطاجن سايح في الجبنة.
المكان كمان في كيديز اريا ببلاش، عشان لو فسحة عائلية حلوة تعرفي تأكلي براحتك.
عم جمبري موجود في 6 أكتوبر ومالوش أي فروع تانية خلي بالك.
لو بتحب الروقان والديكور والاقاعدة الهادية يبقي عليك وعلى مطعم أسماك بحري في مدينة نصر، الشيف عندهم الحقيقة محتاج أوسكار أحسن طباخ سمك في مصر.
الجمبري هناك هتلاقي بيتظفلط كده جوا بؤك لوحده، والاقاعدة الصراحة هتحس أنك مش عايز تقوم.
عندهم كل أنواع المأكولات البحرية اللي بتعشقها، فاعمل حسابك على أكله مش هتنساها.
وأنت لو أكلت جمبري مميز في أي مكان تاني قولنا عليه.