أكل وشرب
أحسن 4 أماكن تأكل فيهم بيتزا ايطالي على حق
ما هو مش كل بيتزا تبقي بيتزا؟!
احنا جبنالك أماكن تغيرلك مفهومك عن البيتزا وتأخدها من أيادي إيطالية بحق.
يعني البيتزا الايطالي الايطالي مش الأي كلام، هو مكان جامد مهتم بكل حاجة، سواء كواليتي أكل ودايزين مكان، هما كمان عندهم شوية ديزرت وحاجات حلوة هتنسيك اسمك.
طيب هتأكل ايه هناك؟
بص احنا بنرشحلك بيتزا عالمية اسمها Bresaola ودي عبارة عن صوص طماطم وقطع البريزاولا وميكس جبن لذيذ.
Olivo موجود في مول أركان في الشيخ زايد، والزمالك، وكمان القطامية.
دا بقي للناس الرايقة، حاجة كده من اللي قلبك يحبها، كمان هادي وفخيم، مع أقاعدة وموسيقى عايزة كبلز من الآخر.
ولو عايز باكيدج كاملة من بيتزا ايطالي مش هتقدر تقاومها وستاف يحسسك بأهميتك كده، يبقى عليك وعلى فرع الزمالك حاجة من أيام الزمن الجميل.
بنشرحلك تأكل بيتزا Mexico دي عبارة عن صوص طماطم مع مكس جبن متين، لو ليك في اللحمة وعايز تنوع، يبقي عليك وعلى بيتزا هوت دوج حاجة من الآخر.
احنا عايزنكوا تتطمنوا أننا مش هنرشحلكوا غير أماكن تقيلة، تروح تنبسط وتبسط معدتك وبس، ودا أوبشن تاني ليك عشان تأكل فيه بيتزا ايطالي متنسهاش، وكمان عندهم شوية شوربات وباستا، عشان لو عايز وجبة متكاملة بقي، أو لو هتخمس مع أصحابك.
ممكن تأكل هناك Spicy Diavola ودي عبارة عن مورزيلا وسلامي، ولو ليك في السلمون اطلب بيتزا سالمون بقلب جامد فظيعة وهتنسيك أي سلامون أكلته قبل كده.
مطعم Il Mulino موجود في المعادي ومصر الجديدة.
هو مطعم رائع حقيقي ولو روحته مرة مش هتقدر يبقي ملكش زيارات متكررة هناك، الاقاعدة والإضاءة والشيفات حاجة 5 نجوم يعني.
ممكن تأكل هناك بيتزا مارينارا ودي عبارة عن جمبري وسي فيود وشغل فنادق، لو ملكيش في البحريات ممكن تأكل سلامي، طيب لو مش عايز بيتزا أصلًا المكان إيطالي إيطالي فهتلاقي بقي باستا، هتلاقي كوردن بلو، ودا من أكتر الأطباق المطلوبة هناك.
Porta D’oro موجود في المهندسين والشيخ زايد وكمان الدقي في شارع الثورة.
قولنا جربت ايه من الأماكن اللي فاتت؟ وبتفكر تروح فين الأول؟