أكل وشرب
عوض صليب١٢ يناير ٢٠٢٠
This article is also available in   Switch Language

أفضل ٣ مطاعم بتقدم ستيك في مصر

حتة اللحمة اللي جودته عالية وتتبيلتها مظبوطة ومستوية زي ما انت عايز مش سهل تلاقيها في مصر، خصوصا بعد أسعار اللحوم البلدي ما زادت وبقت أغلب المطاعم بتعتمد على المستورد اللي بتكون جودته أقل بسبب طول فترة التجميد عدم جودة قطعة اللحم نفسها للشوي، لكن وسط كل المستورد لسه في كام مطعم بيقدم حتة استيك مميزة.


ستيك أوت Steak Out



ستيك أوت هو مطعم مشويات أمريكي اتأسس سنة 1959، وله كذا فرع في القاهرة، زي الشيخ زايد والمعادي والقاهرة الجديدة وهليوبوليس.

وستيك أوت بيقدم تشكيلة من أطباق المشويات زي الريب آي ستيك مع صوصات مختلفة، والبيف سكليت ودي شرايح لحمة متبلة ومشوية مع فلفل ألوان ومتغطية بالمشروم والجينة الشيدر، وإيمانسية كاري صوص وده شرايح لحمة بتلو متبلة وعليها جبنة موتزاريلا وصوص كاري.




وان أوك One Oak



وان أوك عمل المكس الصعب وهو الاستيك والسوشي تحت سقف واحد، وله فرعين واحد في الشيخ زايد والتاني في التجمع الخامس.

وهتلاقي عنده لحوم بلدي بقري أو مستورد، وفي فئة البلدي المشوي ممكن تطلب تندرلوين فيليه أو تي بون أو بورتر هاوس، وبيجي معاها طبق جانبي وصوص أو زبدة. وفي الأنجوس المستورد هتلاقي أصناف مميزة زي الريب آي والستريبلوين، والمميز عنده هو قطع اللحم على السيخ زي الكواترو ستيك سكيوار وده فيه 3 أنواع لحوم: بيف تندرليون، وريب آي ستربلوين، وبيف ردف.




كازلاك Kazlak


وفي المعادي هتلاقي كازلاك في شارع فلسطين، والمنيو عنده مختلف شوية، فمثلا هتلاقي ستيك سيرليون بزبدة القهوة، وريب ىي بزبدة النخاع، وشاتوبريان بالزبدة المدخنة والكرات، وكمان هتلاقي أصناف من الفراخ المشوية بصوصات مختلفة زي صوص الكريمة والسبانخ أو الجبنة.

مقالات ذات صلة