مدونة
عمرو شاهين

تعرف على أصوات الأسد الملك المصرية

من ٢٤ سنة اتعرض في السينمات المصرية النسخة العربية بدوبلاج مصري لفيلم الأسد الملك، الفيلم اللي له الفضل فإنه أعاد صناعة الدوبلاج لمصر تاني بدل لبنان، لأن ديزني بعتت لاستوديوهين واحد في مصر والتاني في لبنان، في مصر بعتت للفنان والموسيقار سمير حبيب، اللي قدر يجرع فن الدوبلاج تاني لمصر.

اختيار الشخصيات كان صعب جدا خصوصا إن عملية الاختيار لازم توافق عليها ديزني، وكان بيتم إرسال مقطع صوتي لصوت الفنان المرشح، يعني مثلا دور موفاسا اتعرض الأول على الفنان محمد السبع لكن ديزني اعترضت لان صوته عجوز أكتر من اللازم، وبعدين اتعرض على الفنان أحمد فؤاد سليم، واعترضت ديزني برضو لان صوته حنون أكتر من اللازم، لكن غير عبدالرحمن أبو زهرة وهنيدي تعرف مين من أصوات الأسد الملك.

زازو

تشريفات الملك عمل شخصيته واحد من المع نجوم الدوبلاج في مصر وهو عادل خلف.

شينزي

الضبعة الشريرة فعملتها الفنانة سلوى محمد علي اللي كانت بتبنى امبراطوريتها في عالم الدوبلاج في الوقت ده

بانزاي


الضبع الشرير عمل صوته الفنان سامي عبدالحليم

نالا الصغيرة

عملت صوتها سماح احمد

سيمبا الصغير

عمل صوته كريم الحسيني اللي حجز لنفسه مكان ضمن نجوم الدوبلاج.

سارابي


فكان الصوت الحنون اللي كلنا فاكرينه هو صوت الفنانة صفاء الطوخي اللي تقدر تميز صوتها في الكتير من أفلام ديزني المدبلجة

رافيكي

القرد العجوز الحكيم فكان صوت الراحل مؤمن البرديسي اللي من أهم اعماله شخصية عم دهب.

بومبا


فكان صوت الراحل سامي صلاح

موفاسا

بعد رحلة في اختيار الأصوات استقرت ديزني ووافقت أخيرا على عصام سيف مؤدي الفويس أوفر المشهور

تيمون

طبعا محمد هنيدي

سكار

عبد الرحمن أبو زهرة اللي بعتتله ديزني خطاب شكر رسمي وتهنئة قالت فيه إنه في سابقة هي الأولى يقوم ممثل دوبلاج بأداء شخصية أفضل من ممثلها الأصلي

سيمبا

هشام نور أحد ملوك فن الدوبلاج في مصر

اما الجنود المجهولين

فالإنتاج كان للفنان سمير حبيب

والترجمة والتمصير والكتابة كان للراحل عبدالرحمن شوقي صاحب فوازير فطوطة ومخترع شخصية فطوطة من الأساس.

كتابة الأغاني كانت مشاركة بين سمير حبيب وعبدالرحمن شوقي

والإخراج كان للمخرج الكبير عصام السيد.