مشاريع
غصون حجاج١٦ أكتوبر ٢٠١٩
This article is also available in   Switch Language

3 أماكن هتلعب فيهم عالتلج في القاهرة

لازم نلحق الأيام دي ونقضيها وسط التلج ومش هنروح بعيد لأننا مش هنخرج برة القاهرة، ودول 3 أماكن ممكن تلعب فيهم عالتلج في القاهرة براحتك:



1- مدينة التلج- سيتي ستارز



ناس كتير لسه متعرفش إن سيتي ستارز عمل مدينة للتلج جميلة جدا وبتختلف عن بقية أماكن التلج اللي في القاهرة لأنها مش باليوم هي بالباقات وتقدر تحجز باقة الساعتين أو ال3 ساعات وفيه كمان باقة الأربع ساعات براحتك وده بيخلي الدنيا مش زحمة جوه لأن ناس بتخرج وناس بتدخل مكانها.
الألعاب بقى فيها موتوسيكلات عالتلج، والزورب بول اللي هي الكورة الكبيرة اللي بتدخل جواها وبتنزل على منحدر من التلج. غير كمان الأيس بامبر ودي عربيات تصادمية بس عالتلج بقى. وطبعا الاسكيتنج العادي وأحلى حاجة إن المكان هناك بيعلم سكيتنج كمان لو طلبت ده. المدينة هتلاقيها في الدور التامن والتاسع في مول سيتي ستارز، مدينة نصر.



2- Fun Kingdom- Sun City Mall



مول صن سيتي مليان بالألعاب مش بس سكيتنج، ودلوقتي عاملين عروض نص عليك ونص علينا يعني أي حاجة هتلعبها هتبقى بنص التمن، فساعة السكيتنج بعد العرض هتبقى ب30 جنيه بس! هتلاقوا مكان الألعاب في مساكن الشيراتون، صن سيتى مول، الدور الثالث.



3- Ski Egypt – مول مصر:



لو عايز تقضي اليوم كله وسط التلج وتقعدوا ترموا على بعض كرات التلج والجو اللي بنشوفه في بلاد التلج ده يبقى لازم تشدوا الرحال على 6 أكتوبر وعليكوا وعلى مول مصر. ميختلفش كتير عن مدينة التلج بتاعة سيتي ستارز بس الفرق إن سكي ايجيبت اللي فيمول مصر طبعا مساحتها أكبر غير إنك بتدفع تمن لليوم كله مش لساعات محدودة وممكن تخرج تريح لو سقعت في أي مكان برة وتدخل تاني عادي، أما الألعاب يعتبر نفسها بس على أكبر.



مقالات ذات صلة