مشاريع
رحمة علي٢٦ نوفمبر ٢٠١٩
This article is also available in   Switch Language

4 أماكن تعرف تخرج فيهم في القاهرة بعد 12

لو أنت من خفافيش الليل وبتحب دايما خروجك يبقي في الروقان والهادي بعد الساعة 12، يبقي الموضوع دا بتاعك، جمعنالك 4 أماكن تقدر تسهر فيهم في القاهرة بعد الساعة 12.


كايرو جاز كلوب



دا مكان اللي لو مضايق مينفعش تروح هناك وتخرج مضايق برده، كايرو كلوب بيقدم تقريبا شبه يومي عروض موسيقية وفرق مستقلة مش بس جاز، لا كل أنواع الموسيقى. وهناك تقدر تأكل أو تشرب أي حاجة وهتنبسط جدا من الأجواء المختلفة، بس خلي بالك المكان بيدخل بس الكبلز أو مجموعة بنات. كايرو كلوب موجود في العجوزة والشيخ زايد، ودا لينك الموقع بتاعهم عشان تشوف جدول أعمالهم الأسبوعي.



تدخل سينما



أول حاجة ممكن تفكر فيها لو عايز تخرج بعد 12 تدخل فيلم عظيم كده وتنسى هم الشغل، ودايما حفلات بعد منتصف الليل بيبقي ليها كعم مختلف، حتى لو هتدخل نفس الفيلم، عشان بيبقي حواليك الناس المزاج اللي زيك. ادخل على سينما دوت كوم واحجز حفلتك عشان تروح وأنت مطمن. ودا لينك الموقع.



البرنس



أنت لو لسه مروحتيش البرنس لغاية دلوقتي تبقي مش مصري أصيل، الحلو في البرنس أنه فاتح معاك للصبح، عشان للي بتطلب معاها يدبها أخر الليل. أطباق البرنس صحيح محدودة، بس عمرك ما هتلاقي الطعم دا في أي حتة تانية، تقدر تأكل ب100 جنيه وتقوم مش قادر تأخد نفسك كمان.



تتمشى على النيل وتأكل حمص شام



دي بقي الخروجة الاقتصادية، بس هتفضل برده من أحلى الأماكن اللي تقدر تشم هوا فيها وتغير جو، اللي بيميز القاهرة خصوصًا ومصر عموما، أنك تقدر تنبسط بفلوس قليلة، وتقدر برده تنبسط بفلوس كتير. المشي على النيل وكوباية حمص شام سخن، هي خروجة هتنفع دايما لكل زمان ومكان.



لو تعرف أماكن مميزة للخروجة بعد 12 بليل قولنا عليها وخلي الفائدة تعم 😀

مقالات ذات صلة