مدونة
4 أماكن ممكن تشتري منها في الجمعة البيضا عاملة خصومات جامدة
مين فينا مش بيحب الشوبينج، ومين فينا برده مش بيطل يعمل شوبينج، ويستنى التخفضيات ونهاية كل موسم، عشان يدور على الحاجات اللي كان عايزها، احنا خلاص بنودع سويت نوفمبر، وعشان يبقي سويت بجد، لازم تستغل الجمعة البيضا وتعمل شوبينج على حق وتستغل الخصومات الجامدة.
سوق الحقيقة بادئ البلاك فرايداي، أو الجمعة البيضاء، من بداية الأسبوع الحالي، وعامل تخفضيات على منتجات متنوعة، من أجهزة كهربائية لموبيلات، وكوتشيات، وكمان الميك أب، والبرفنات.
اللي بيميز سوق أن عنده تقريبًا كل حاجة وأي حاجة ممكن تيجي على بالك، ادخل خد فكرة وشوف محتاج إيه من على الموقع بتاعهم، ودا اللينك
اما لو عندك حاجات ناقصة من كريم مرطب، وصن بلوك، وبرفنات أورجينال، وحاجات للعناية ببشرتك وشعرك، فصيدلية سيف أعلنت بالفعل عن خصومات جامدة جدًا للجمعة البيضا، وكمان بتعمل مسابقات، بقسيمة مشتريات من عندهم.
دا لينك صفحة صيدلية سيف على الفيس عشان تتابع معاهم كل العروض وتعرف ايه اقرب فرع ليك
احنا عشان عارفين يوم الجمعة الأخيرة في نوفمبر بتبقي زحمة ازاي، فاحنا بنحاول نجمعلك الأماكن اللي ممكن تشتري منها وأنت في بيتك بعيد عن الزحمة، وكمان تضمن جودة عالية.
يشري من ضمن المواقع هتلاقي فيه كل اللي تحتاجه من لبس وجزم واكسسورات، وعاملين كمان تخفضيات هايلة خلال الأسبوع الأخير من نوفمبر، وكمان على الهدوم الشتوي، وكمان متنساش تتدخل الكود عشان تأخد خصم اضافي. المميز في يشري، أن الشحن مجانًا وكمان الترجيع مجانًا وبتاخد فلوسك، لو الحاجة معجبتكش، يعني حاجة آخر دلع.
لو محتاج نظارة شمس أو نظر، يبقي تقدر تروح C&CO وتتفرج على العروض عندهم خلال الجمعة البيضا، هما أعلنوا بالفعل عن تخفيضات هتوصل ل80%. دا لينك صفحتهم على الفيس، عشان لو حابب تتواصل معاهم وتعرف عنواين فروعهم
لو نزلت الجمعة البيضا السنة اللي فاتت، قولنا عرفت تجيب ايه، وأخبار الخصومات كان ايه.