أكل وشرب
4 أماكن مناسبة للأكل الصحي ومش هتبوظ الدايت
عايزين تخرجوا مع الأصحاب ومش عايزين تبوظوا الدايت، بقالكوا كام أسبوع ملتزمين وخسيتوا 2 كيلو وحاسين بانجاز فظيع، ومش عايزين تهدوا اللي عملتوا.
في القاهرة كل الأكل حواليك، وأنك تحافظ على الدايت، دي مهمة مش ساهلة، احنا بنحاول نسهلك المهمة أكثر وجبنالك أحسن 4 مطاعم في القاهرة، تقدر تخرج فيها مع أصحابك من غير ما تقلق من السعرات الحرارية.
هو مكانك المفضل لو بتحب السلطات وتكتها وحركتها، عشان هتلاقي هناك اختراعات يا معلم، وكلها من غير ما تبوظ جدول الدايت بتاعك، في كمان سلطات بالباستا، وأنت براحتك تضيف أي مكونات عندهم، زي الجبن والفراخ المشوية أو قطع لحمة مشوية برده، والمفاجأة أن حتى عندهم جبنة قريش.
سلاديرو موجود في الزمالك، وكمان في كايرو فيستفال، والمعادي.
اختيار تاني قدامك لو بتدور على أكل صحي ولذيذ، المطعم بيقدم تشكيلة من الخضار والرز والسلطات برده وكلها زي الفل ومش هتحس بأي تأنيب ضمير أنك بوظت.
المكان موجود في العجوزة ودا 01155005567 عشان تسأل على خدمة التوصيل في مكان بيتك أو شغلك.
دايت هاوس مش بس بيقدم أكل الدايت المعروف المسلوق وغيره، هو كمان بيقدم بيتزا وبرجر، لكن كله صحي، وبأقل سعرات حرارية ممكنة، هو كمان في المينو بيقولك الوجبة بتحتوي على كام سعر حراري عشان تبقي في السليم.
دايت هاوس موجود في المعادي ومصر الجديدة.
المكان دا مميز جدًا هو مش بس ممكن تروح تأكل فيه أكل دايت ومميز، هو بيقدم كمان خدمة اشتراك شهري عشان لو مش عندك وقت تحضر فطارك الصبح.
كلروريز موجود في مصر الجديدة.
واتصل واسأل عندهم خدمة توصيل لغاية مكانك ولا لأ؟
أنت قولنا ايه أخبار أكل دايت معاك، وبتفكر تجرب أي مطعم فيهم؟