أكل وشرب
رحمة علي١٢ نوفمبر ٢٠١٩
This article is also available in   Switch Language

أحسن 4 مطاعم للأكل اللبناني في القاهرة

القاهرة دلوقتي بقي فيها كل ما الذا وطاب من مطابخ الأكل المختلفة، صيني تلاقي، هندي تلاقي، يمني تلاقي، سوري تلاقي، والنهارده جمعنالكم أحسن 5 مطاعم للأكل اللبناني وتكاته وحركاته، وهتعيشي كأنك في بيروت.


تمارا



احنا نجيب سيرة اللبناني، فمطعم تمارا يظهر وبقوة، هو تقريبًا معندهمش غلطة، من جودة الأكل وطريقة التقديم، وديكور المكان، وعندهم أطباق مختلفة عشان ترضي كل الأذواق.

كمان أوعى تنسى تطلب سلطات ومقلبات اللبناني المميزة من الفتوش، ومقانق بالبطاطا وصفائح حلومي.

تمارا موجود في 6 أكتوبر بمول مصر، والشيخ زايد ومدينة نصر، وكمان كايرو فيستفال.




تبولة



تبولة من الأماكن العريقة اللي بتقدم أحلى أكل لبناني، هتحس أنك جوا شوراع بيروت القديمة، تبولة بدأ الأول في جاردن سيتي، وبعد كده فتح كمان في الزمالك، اللي بيميز تبولة كمان موقعه في قلب شوارع جاردن سيتي الهادية الرايقة، اللي غالبًا هتعيشي جوا أجواء شاعرية وجميلة من ديكور مريح للعين.

تبولة مشهور بسلطاته اللذيذة، ومتنساش تجرب بعض الأطباق الرئيسية زي قلاية بندورة باللحم وكفتة الخشاش، ومفركة مشروم.



كراكاس



مكان مميز تاني لعشاق الأكل اللبناني، وتجربة المطباخ المختلفة، كراكاس كانت بدايته في شارع التسعين في التجمع، بس بعد كده فتح في الشيخ زايد وأكتوبر والمعادي والمهندسين، في فترة قصيرة، ودا دليل على أن المكان يستاهل التجربة.

من أحسن الأطباق اللي هتحبها أكيد، هي مسحب وبطاطا بالكزبرة وفتة الدجاج، ولو عايز تحلي عشان ميكنش نفسك في حاجة يبقي عليك وعلى كريب سوشي بالشيكولاتة، دا حوار لوحده.



مطعم فيروز



فيروز ببساطة واخد أحسن مطعم بيقدم أكل لبناني على موقع tripadvisor دا بيخلينا نرشحلك المطعم واحنا مطمنين، كمان تقييم الناس اللي راحته ايجابي جدًا، دا غير الشو اللي بيقدمه المطعم وأنت تأكل عشان تتمزج.

المطعم موجود بداخل فندق انتركونتيننتال سيتى ستارز.



وأنت قولنا لو بتفكر تأكل لبناني، أي مطعم هتحب تروحه.





مقالات ذات صلة