أكل وشرب
أفضل 5 أماكن تجيب منهم تورتة في القاهرة
صحيح المناسبات السعيدة زي أعياد الميلاد والخطوبة أو قراية الفاتحة بنبقي عارفين مواعيد مسبقة –متصدقيش صاحبتك اللي تقولك حصل فجأة والله- يعني المفروض عارفين هنجيب على الأقل التورتة منين، بس احنا برده كمصريين لازم نسيب كل حاجة للحظات الأخيرة، ونفضل نلف حوالين بعض.
دلوقتي معندكش حجة، جمعنالك أحسن 5 أماكن تجيب منهم تورتة في القاهرة من غير ما تلف كتير:
عنده تشكيلة تورتات حوار، بس أحلها هي تورتة المانجو اللي حوالي ب200 جنيه، المحل ليه متواجد في المقطم والمعادي ومدينة نصر وكمان مصر الجديدة، وتقدر تسأل على دليفري بيوصل لحد عندك ولا لأ.
بيتربع على عرش الحلويات، اه والله، جيبك هيتعور شوية، بس كفاية أنك داخل بكوبرميلت يا معلم، يعني هتخلي كل اللي موجودين يدعولك.
التورتة أسعارها بتتراوح من 300، وليه فروع كتير منها القاهرة الجديدة ومدينتي ومصر الجديدة والمعادي.
مينفعش نجيب سيرة التورت من غير ما نذكر كبير الأقاعدة وهو سلايه سكوريه، التورتة عندهم مش هتحتاج تمضغها، لأنها هدوب لوحدها كده في بؤك، يعني لو رايح تقرا فاتحة هات في إيديك تورته من هناك وخلي حماتك تحبك، بس منوعدكش أوي بالموضوع دا.
سلايه سكوريه متنشر في مصر كلها، وكمان عندهم دليفري بيوصل لأماكن كتير.
دا رقم الخط الساخن بتاعهم: 19623
ديوكس يعني تورتة متينة وكوالتي عالية وهتنبسط ومش هتدفع كتير، الأسعار عندهم بتبدأ من 120 جنيه، وهو برده هتلاقيه حواليك في أماكن كتير منها القاهرة الجديدة ومصر الجديدة والمعادي والشيخ زايد.
اللي بيحبوا كل ما هو قديم زي كده، يبقي اختيارهم لازم يبقي للعبد، لأنه دايما بيطور من نفسه ومواكب عصره، فقادر يحافظ على مكانته.
التورتة عندهم بتبدأ من 150 جنيه، ومش محتاجة اقولك أن فروعهم في وسط ومول العرب، ومؤخرًا فتحوا في حي الحصري في أكتوبر.
لو دوقت تورتة قبل كده واتوهمت بيها شاركنا تجربتك.