أكل وشرب
رحمة علي٢١ أكتوبر ٢٠١٩
This article is also available in   Switch Language

4 أماكن تقدر تأكل فيهم ب50 جنيه وأقل

كلنا أخر الشهر بنبقي بنكح تراب، يا دوبك ممكن نقابل أصحابنا على أول الشارع أو تحت البيت، نقعد ندور في جيوبنا ونجمع من بعض عشان نعرف ننزل، طب وليه كل دا احنا جبنالك أماكن تخرج وتأكل فيها كمان ومش هتصرف أكتر من 50 جنيه.


زاكس



من الأماكن اللي مش فاتحة بقلها كتير بس أثبتت جودتها وبدأت تفتح تقريبا في القاهرة كلها، من التجمع لمدينة نصر ل6 أكتوبر ومصر الجديدة.

زاكس بيقدم سندوتشات جامدة كلها جنبه وفراخ مقلية وحاجة أخر روقان، وكمان باستا غرقانة كل أنواع التشيز المميزة، كل دا ب50 جنيه.



أبو مازن



لو عايز حاجة في الخفيف بسرعة وهتسد معاك برده، يبقي عليك وعلى أبو مازن، ممكن تأكل فتة شاورما، وممكن تضرب اتنين شاورما وبرده لسه مدفعتيش غير 50 جنيه.

أبو مازن بقي هتلاقيه حواليك في كل حتة، دا في مدينة نصر لوحدها هتلاقي 3 فروع، وكمان هتلاقي في القاهرة الجديدة والمقطم والمعادي وحلوان وشبرا.

ودا معناه برده أنك تقدر تطلب دليفري مهما كنت ساكن.




سيتي كريب



لو ليك في الكريب ومش عايز برده تعدي ميزانية ال 50 جنيه، يبقي سيتي كريب هو مكان مثالي، جمع صحابك واطلع على هناك، عشان هو برده موجودة في كل حتة، وتقريبا موجود على كل ناصية شارع في مدينة نصر، عشان هناك بس في 13 فرع.

كمان موجود في الهرم والعبورووسط البلد والشيراتون.



أشيان كورنر



لسه برده مخرجناش عن ال50 جنيه اللي منورة جيوبنا، أشيان كورنر بيقدم أكل اسيوي سواء صيني أو هندي، وأكله مميز الحقيقة خصوصا لعشاق التجربة والأكلات المختلفة، هتقدر تطلب طبق متكامل فيه رز وخضار وسواء لحمة أو فرخ، وكل دا لسه ب50 جنيه.

أشيان كورنر موجود في تقريبا كل مولات القاهرة، من مول العرب ومول مصر، وسيتي ستارز وكمان سيتي سنتر في المعادي.



وأنت قولنا أما يبقي في جيبك 50 جنيه وعايز تخرج وتأكل بتتصرف ازاي.

مقالات ذات صلة